लग्नसराईच्या दिवसांमध्ये सर्वच महिला रॉयल आणि उठावदार दिसण्यासाठी साड्या आणि दागिन्यांची खरेदी करतात. प्रत्येक महिलेकडे वेगवेगळ्या डिझाईनचे असंख्य नेकलेस असतात. त्यातील सगळ्यांच्या आवडीची डिझाईन म्हणजे चंद्रकोर नेकलेस. चंद्रकोर दागिने गळ्यात परिधान केल्यानंतर रॉयल आणि स्टायलिश लुक देतात.पूर्वीच्या काळातील पारंपरिक दागिन्यांना मॉर्डन लुक देऊन विविध पद्धतीने दागिने तयार केले जातात. त्यामुळे लग्न सोहळ्यात शाही थाट हवा असेल तर या डिझाईनचे चंद्रकोर नेकलेस नक्की ट्राय करा. (फोटो सौजन्य – pinterest)
पारंपरिक सौंदर्याला आधुनिकतेची झलक! लग्न सोहळ्यात गळ्यात शोभून दिसेल चंद्रकोर नेकलेस
कपाळावर लावलेली चंद्रकोर टिकली ज्याप्रमाणे सौंदर्यात भर घालते तेवढाच सुंदर चंद्रकोर नेकलेस सुद्धा दिसतो. त्यामुळे लग्नातील नऊवारी साडीवर तुम्ही या डिझाईनचा भरगच्च चंद्रकोर नेकलेस घालू शकता.
पैठणी किंवा काठपदर साडी नेसल्यानंतर त्यावर या डिझाईनचा अतिशय मिनिमल नेकलेस सुंदर दिसेल. भरगच्च किंवा गळाभर दागिने घालायला न आवडणाऱ्या लोकांसाठी या डिझाईन उत्तम आहेत.
मॉडर्न आणि परंपरा यांचा सुरेख संगम असलेला या पद्धतीचा चंद्रकोर नेकलेस कोणत्याही साडी किंवा लेहेंग्यावर उठावदार दिसेल. सोन्याच्या दागिन्यांमध्ये सुद्धा तुम्ही या डिझाईनचा चंद्रकोर नेकलेस बनवून घेऊ शकता.
चंद्राच्या कोरीसारखा नाजूक आणि आकर्षक आकार असलेले चंद्रकोर नेकलेस नऊवारी साडीवर शोभून दिसेल. हल्ली वेगवेगळ्या मणी आणि नाजूक डिझाईनच्या चंद्रकोरीचा वापर करून सुंदर दागिने बनवले जातात.
काहींना अतिशय नाजूक आणि मिनिमल दागिने घालायचे असतील अशांसाठी या डिझाईनचा नेकलेस उत्तम आहे. यावरील कानातले सुद्धा डिझायनर साडीवर शोभून दिसतील.
