Rasane vs Dhangekar : मित्रपक्षामध्ये आले तरीही वाद काही संपेना! धंगेकर विरुद्ध रासने संघर्ष सुरुच

रवींद्र धंगेकर यांनी कॉंग्रेस सोडून शिवसेना शिंदे गटामध्ये प्रवेश केल्यामुळे पुण्याचे राजकारण बदलले आहे. सत्ताधारी महायुतीमध्ये सामील होऊन देखील धंगेकर विरुद्ध रासने असा संघर्ष सुरु आहे.

रवींद्र धंगेकर यांनी फ्लेक्सबाजी करुन भाजप आमदार हेमंत रासनेंवर निशाणा साधला (फोटो - सोशल मीडिया)

Follow Us:

Follow Us:

पुणे : पुण्याच्या राजकारणामध्ये मागील दोन वर्षापासून मोठे बदल झाले आहेत. दिवंगत नेत्या मुक्ता टिळक यांचे निधन झाल्यानंतर कसबा विधानसभा मतदारसंघाची पोटनिव़डणूक झाली. या एका मतदारसंघाच्या पोटनिवडणुकीने अक्षरशः संपूर्ण राज्याचे लक्ष वेधून घेतले होते. यामध्ये हेमंत रासने विरुद्ध रवींद्र धंगेकर अशी चुरशीची लढत झाली होती. रासने विरुद्ध धंगेकर अशा लढतीमध्ये पोटनिवडणूकीमध्ये रवींद्र धंगेकर यांनी बाजी मारली. तर दीड वर्षात लगेचच झालेल्या विधानसभा निवडणुकीमध्ये रासनेंनी भाजपचा गड पुन्हा मिळवला.

दरम्यान, विधानसभा निवडणुकीमध्ये महायुतीचा एकतर्फी विजय आणि महाविकास आघाडीचा दारुण पराभव यामुळे राज्याचे राजकारण बदलले. अनेक नेत्यांनी महायुतीची साथ दिली. तर पुण्याचे कॉंग्रेसचे नेते असलेल्या रवींद्र धंगेकर यांनी पक्षाला रामराम ठोकत शिवसेनेचा झेंडा हाती घेतला. मागील आठवड्यामध्ये रवींद्र धंगेकर यांनी शिंदे गटामध्ये प्रवेश केला. यामुळे आता रवींद्र धंगेकर हे शिवसेनेमध्ये आणि हेमंत रासने हे भाजपमध्ये आहेत. महायुतीच्या मित्रपक्षामध्ये असलेल्या दोन्ही नेत्यांमध्ये अद्याप शत्रुत्व संपलेले नाही.

राजकीय बातम्या वाचण्यासाठी क्लिक करा

कसबा विधानसभा मतदारसंघामध्ये रवींद्र धंगेकर यांनी फ्लेक्सबाजी केली आहे. कसब्याचे माजी आमदार रवींद्र धंगेकर यांनी फ्लेक्समध्ये भाजपचे विद्यमान आमदार हेमंत रासने यांना अप्रत्यक्षपणे लक्ष्य केल्याचे पहायला मिळत आहे. कसबा विधानसभेतील नागरिकांना पाण्याचे मीटर बसल्यावरुन त्यांनी लक्ष्य केले आहे. रवींद्र धंगेकर यांनी फ्लेक्सबाजी करत आमदार हेमंत रासने यांना लक्ष्य केले आहे. यामुळे धंगेकर यांनी पक्षांतर केले असले तरी त्यांचे महायुतीच्या नेत्यांसोबत वादंग तसेच आहेत. रासने विरुद्ध धंगेकर अशी राजकीय लढत आजही कसबामध्ये दिसून येत आहे.

महाराष्ट्रसंबंधित बातम्य वाचण्यासाठी क्लिक करा

माझ्या कसबा विधानसभेतील नागरिकांना नियमित व उच्च दाबाने पाणीपुरवठा करणार, असे आश्वासन देऊन विधानसभा निवडणुकीत त्यांनी मते घेतली. आता प्रत्यक्षात मात्र घरोघरी पाण्याचे मीटर बसवून त्यांच्याकडून अन्यायकारक पाणीपट्टी वसूल करण्यात येत आहे. कसब्यातील सुज्ञ जनता त्यासोबत झालेली ही फसवणूक कधीही विसरणार नाही, असे रवींद्र धंगेकर यांनी बॅनरवर लिहिले आहे. आता सत्ताधारी पक्षामध्ये असून देखील धंगेकर यांनी लावलेल्या फ्लेक्समुळे पुण्यात राजकारण चांगलेच तापले आहे.

रवींद्र धंगेकर यांनी चौथ्यांदा पक्षांतर केले. त्यांचा उपमुख्यमंत्री एकनाथ शिंदे यांच्या उपस्थितीमध्ये पक्षप्रवेश पार पडला. यावेळी उपमुख्यमंत्री एकनाथ शिंदे म्हणाले, “रवींद्र धंगेकर हे पुण्यातील लोकप्रिय लोकनेते म्हणून ओळखले जातात. त्यांनी त्यांची ओळख कामाने निर्माण केली आहे. यांच्या पोटनिवडणुकीवेळी मी तिकडे होतो. ती निवडणूक गाजली पण, सगळी फौज लागली तरी धंगेकरांनी बाजी मारली आणि लोकसेवक काय असतो हे दाखवले. आता तुम्ही शिवसेनेत आला आहात, त्यामुळे लोकांना कळेल हू इज धंगेकर?” अशी मिश्किल टिप्पणी एकनाथ शिंदेंनी केली होती.

Web Title: Ravindra dhangekar targets bjp mla hemant rasane by flexing his muscles pune politics

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com