मंगळवार, 20 ऑक्टोबर 2026
फोटो सौजन्य- pinterest
भारतात दिवाळी हा सण प्रकाश आणि आनंदाचे प्रतीक म्हणून साजरा केला जातो. या दिवशी घराची साफसफाई केली जाते, दिवे लावले जातात आणि देवी लक्ष्मीच्या स्वागताची तयारी केली जाते. अशा वेळी दिव्याखाली तांदूळ ठेवणे ही एक जुनी आणि प्राचीन परंपरा आहे ज्याचे धार्मिक आणि आध्यात्मिक महत्त्व आहे. भारतीय संस्कृतीत तांदूळ हा समृद्धी, आनंद, शांती आणि अन्नाच्या सातत्यतेचे प्रतीक मानले जाते. देवी लक्ष्मीला तांदूळ प्रिय असल्याचे म्हटले जाते. तसेच तांदूळ हे दैवी आशीर्वाद आणि समृद्धीचे प्रतीक देखील मानले जाते.
ज्योतिषशास्त्रानुसार घरामध्ये वेगवेगळ्या ठिकाणी दिवे लावण्याला महत्त्व आहे. मात्र देव्हाऱ्यात दिव्याखाली तांदूळ ठेवण्याला देखील महत्त्वाचे आहे. दिवाळीत दिव्याखाली तांदूळ ठेवण्यामागे काय आहे कारण जाणून घ्या
धार्मिक मान्यतेनुसार, दिव्याच्या ज्योतीने प्रकाशित होणारा तांदूळ सकारात्मक ऊर्जा पसरवतो. त्यामुळे घरामधील नकारात्मक ऊर्जा दूर होते आणि घरामध्ये आनंद, समृद्धी आणि कल्याण आणतो. दिव्याखाली तांदूळ ठेवणे हे कुटुंबातील सदस्यांच्या जीवनात अन्न आणि संपत्तीची कमतरता भासणार नाही आणि जीवनात स्थिरता येईल याचे प्रतीक आहे.
सांस्कृतिकदृष्ट्या, भारतीय सणांमध्ये तांदूळ नेहमीच शुभ मानला जातो. लग्न, जन्म आणि इतर धार्मिक समारंभ यासारख्या शुभ प्रसंगांना चिन्हांकित करण्यासाठी तांदळाचा वापर केला जातो. दिव्याखाली तांदूळ ठेवण्यामागील अर्थ केवळ भौतिक संपत्तीपेक्षा अधिक खोलवरचा आध्यात्मिक अर्थ आहे. यामुळे घरात आणि कुटुंबात सकारात्मक ऊर्जा येते आणि देवी लक्ष्मीचा देखील व्यक्तीवर आशीर्वाद राहतो.
असे मानले जाते की, दिवा आणि तांदळाच्या तेजस्वी ज्योतीचे मिश्रण घरात समृद्धी आणि आनंदाचे वातावरण तयार करते. याशिवाय, दिव्याखाली तांदूळ ठेवण्याची परंपरा आपल्याला निसर्ग आणि अन्नाचे महत्त्व देखील आठवते. कारण आपली समृद्धी केवळ पैशात किंवा वस्तूंमध्येच नाही तर अन्न आणि नैसर्गिक संसाधनांच्या योग्य वापरातही आहे.
पूजेसाठी वापरण्यात येणाऱ्या साहित्यापैकी एक असलेले तांदूळ. दिवाळीला दिव्याखाली तांदूळ ठेवणे हे संपत्ती आणि समृद्धीच्या प्राप्तीचे प्रतीक आहे. तांदळाला धान्याचा राजा मानले जाते, जो स्थिरता आणि समृद्धीचे प्रतीक आहे. घरात तांदळाचे दाणे ठेवल्याने देवी लक्ष्मीचा घरात कायमचा वास होतो, कारण त्यामुळे देवी अन्नपूर्णाचा आशीर्वाद देखील मिळतो, असे मानले जाते. ज्योतिषशास्त्रात, तांदूळ शुभ आणि फायदेशीर मानला जातो. ज्यामुळे ग्रहांचा नकारात्मक प्रभाव कमी होतो. यामुळे कुटुंबांमध्ये कर्जमुक्ती आणि बचत वाढल्याचे दिसून येते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
