बुधवार, 21 ऑक्टोबर 2026
फोटो सौजन्य- pinterest
कार्तिक महिन्याची सुरुवात झाली आहे. धार्मिक कार्यासाठी कार्तिक महिना खूप खास आणि महत्त्वाचा मानला जातो. पंचांगानुसार, कार्तिक महिना हा वर्षातील आठवा महिना आहे. या महिन्यामध्ये भगवान विष्णू आणि देवी लक्ष्मीची पूजा केली जाते. तसेच या महिन्याला धार्मिक आणि आध्यात्मिकदृष्ट्या खूप महत्त्वाचा मानला जातो.
या महिन्यामध्ये दिवाळी, धनत्रयोदशी यांसारखे सण देखील येत आहे. या महिन्यासाठी काही विशेष पद्धती सांगितल्या आहेत, ज्यामुळे भगवान विष्णूचे आशीर्वाद मिळू शकतात. यासोबतच घरात सुख, समृद्धी आणि संपत्ती वाढते. कार्तिक महिन्यात कोणते उपाय करायचे ते जाणून घ्या
कार्तिक महिन्यामध्ये भगवान विष्णूंना प्रसन्न करण्यासाठी तुळशीच्या रोपाची पूजा करावी. तसेच, तुळशीच्या झाडाखाली किंवा तुळशीच्या रोपाजवळ दिवा लावावा. असे केल्याने भगवान विष्णू प्रसन्न होतात. यामुळे त्यांचे आशीर्वाद मिळतात आणि घर संपत्तीने भरते.
मान्यतेनुसार, कार्तिक महिन्यामध्ये गंगेत स्नान करणे खूप महत्त्वाचे आणि आवश्यक मानले जाते. जर गंगा नदीत स्नान करणे शक्य नसल्यास घरी पाण्यात गंगेचे पाणी घालून स्नान करावे.
कार्तिक महिन्यात देवुथनी एकादशी येते. या दिवशी भगवान विष्णू योग निद्रामधून जागृत होतात. योग निद्रामधून भगवान विष्णू जागृत झाल्याने चातुर्मास संपतो. म्हणून या काळात भक्तांनी भगवान विष्णूची पूजा करणे चांगले मानले जाते.
कार्तिक महिन्यात दानधर्मालाही विशेष महत्त्व आहे. या महिन्यात ब्राह्मणांना अन्न, गाय, तुळशी आणि अन्नदान करावे. यामुळे पुण्य मिळते आणि घरात सुख-समृद्धी येते.
कार्तिक महिन्यात दिवे लावणे खूप शुभ मानले जाते. या महिन्यात दररोज सूर्योदयापूर्वी उठून स्नान करणे आणि नदी किंवा तलावात दिवे लावल्याने आशीर्वाद मिळतात, अशी मान्यता आहे. तसेच सकाळी तुळशीसमोर तूप किंवा तिळाच्या तेलाचा दिवा लावल्याने व्यक्तीचे पाप नष्ट होतात आणि पुढच्या जन्मात तो एका महान कुटुंबात जन्माला येतो, असे म्हटले जाते. कार्तिक महिन्यात तुळशीची पूजा करून आणि गंगा स्नान करून मिळालेल्या पुण्यांमुळे, रुक्मिणी तिच्या पुढच्या जन्मात भगवान श्रीकृष्णाची पत्नी बनली, अशी पौराणिक कथा आहे.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
