Skand Shashthi: स्कंद षष्ठी कधी आहे? रवि योगात कार्तिकेयची पूजा केल्याने होतात हे फायदे

स्कंद षष्ठीला कार्तिकेयची पूजा केली जाते. दर महिन्याच्या शुक्ल पक्षाच्या सहाव्या दिवशी स्कंद षष्ठीचे व्रत पाळले जाते. या व्रताची शुभ योगात पूजा केल्यास अनेक फायदे होतात. स्कंद षष्ठी कधी आहे, शुभ मुहू्र्त जाणून घ्या

फोटो सौजन्य- pinterest

Follow Us:

Follow Us:

दर महिन्याच्या शुक्ल पक्षाच्या षष्ठीला स्कंद षष्ठीचे व्रत पाळले जाते. भगवान शिव यांचे ज्येष्ठ पुत्र कार्तिकेय यांचा आशीर्वाद मिळविण्यासाठी भक्त उपवास करतात. भाद्रपद महिन्यामधील स्कंद षष्ठी व्रताच्या दिवशी रवि योग तयार होत आहे. यावेळी हे व्रत पाळल्याने मुलांचे सुख, मुलांचे संरक्षण आणि चांगले आरोग्य मिळते. जाणून घ्या स्कंद षष्ठी कधी आहे, शुभ मूहूर्त, महत्त्व आणि उपाय

कधी आहे स्कंद षष्ठी व्रत

ऑगस्ट महिन्यातील स्कंद षष्ठी व्रत गुरुवार, 28 ऑगस्ट रोजी आहे. पंचांगानुसार, भाद्रपद महिन्यातील शुक्ल पक्षातील षष्ठी तिथीची सुरुवात गुरुवार, 28 ऑगस्ट रोजी संध्याकाळी 5.56 वाजता होईल. या तिथीची समाप्ती शुक्रवार, 29 ऑगस्ट रोजी रात्री 8.21 वाजता होईल. उद्यतिथीनुसार स्कंद षष्ठीचे व्रत गुरुवार, 28 ऑगस्ट रोजी पाळले जाणार आहे.

स्कंद षष्ठी शुभ मुहूर्त

स्कंद षष्ठी व्रताची पूजा संध्याकाळी केली जाते. यावेळी गुरुवार, 28 ऑगस्ट रोजी स्कंद षष्ठीच्या पूजेचा शुभ मुहूर्त सूर्यास्तानंतर म्हणजे संध्याकाळी 6.47 वाजेपर्यंत असेल. स्कंद षष्ठीच्या दिवशी ब्रह्म मुहूर्त पहाटे 4.28 ते 5.12 पर्यंत असेल. या दिवशी अभिजित मुहूर्त सकाळी 11.56 ते दुपारी 12.48 पर्यंत आहे. षष्ठीचा निशिता मुहूर्त दुपारी 12 ते रात्री उशिरा 12.45 पर्यंत आहे.

Zodiac Sign: सिद्ध योगामुळे कन्या राशीसह या राशीच्या लोकांचे चमकेल नशीब, मिळेल अपेक्षित यश

स्कंद षष्ठी शुभ योग

स्कंद षष्ठी व्रताच्या दिवशी 3 शुभ योग तयार होत आहे. या दिवशी रवी योग, शुक्ल योग आणि ब्रह्म योग तयार होणार आहे. रवी योगाची सुरुवात 28 ऑगस्ट रोजी सकाळी 8.43 वाजता होईल आणि 29 ऑगस्ट रोजी सकाळी 5.58 वाजता संपेल. या दिवशी शुक्ल योग सकाळपासून दुपारी 1.18 वाजेपर्यंत राहील, त्यानंतर ब्रह्म योग तयार होईल. स्कंद षष्ठीला चित्रा नक्षत्र सकाळपासून सकाळी 8.43 वाजेपर्यंत राहील तर त्यानंतर स्वाती नक्षत्र राहील. हे नक्षत्र संपूर्ण रात्रभर राहील.

स्कंद षष्ठी व्रताचे फायदे

संततीसाठी उपाय

स्कंद षष्ठी व्रत केल्याने संततीचा जन्म होतो आणि मुलांचे रक्षण होते.

आत्मविश्वास वाढण्यासाठी उपाय

स्कंद षष्ठी व्रताच्या दिवशी शक्ती आणि धैर्य मिळविण्यासाठी हे व्रत पाळले जाते. यामुळे व्यक्तीच्या जीवनामध्ये धैर्य, आत्मविश्वास आणि आत्मसन्मान यामध्ये वाढ होते.

Numerology: मूलांक 8 असणाऱ्यांचा आजचा दिवस कसा असेल जाणून घ्या

कार्तिकेयांची पूजा

कार्तिकेयांची पूजा केल्याने मागील जन्मातील पापांचा नाश होतो.

मंगळ आणि केतू दोष

हे व्रत केल्यामुळे मंगळ आणि केतुशी संबंधित असलेले दोष दूर होण्यास मदत होते.

भीतींपासून दूर राहणे

रोग, भय आणि पाप यापासून देखील सुटका होते.

स्कंद षष्ठी पूजा मंत्र

स्कंद षष्ठीची पूजा करतेवेळी ओम सर्वान्भवाय नमः किंवा ओम स्कंदाय नमः या मंत्राचा जप करावा.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)

Web Title: Skand shashthi 2025 shubh muhurt yoga benefits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com