मंगळवार, 20 ऑक्टोबर 2026
फोटो सौजन्य - सोशल मीडिया
आयपीएल २०२४ : इंडियन प्रीमियर लीग २०२४ मध्ये कोलकाता नाईट रायडर्सने जेतेपद नावावर केले. आता आयपीएल २०२५ मध्ये मेगा ऑक्शन होणार आहे. त्यामुळे आयपीएलमधील संघांमध्ये मोठे बदल पाहायला मिळणार आहेत. इंडियन प्रीमियर लीग (IPL) ही आता फक्त एक क्रिकेट स्पर्धा राहिलेली नाही, तर ती जगभरातील क्रीडाप्रेमींना आकर्षित करणारी एक स्पर्धा किंवा घटना बनली आहे. आयपीएल २०२५ ची तयारी जोरात सुरू आहे आणि मेगा लिलाव हा सर्वाधिक चर्चेचा विषय राहिला आहे. यावेळी लिलावाच्या ठिकाणाबाबत बरीच चर्चा सोशल मीडियावर सुरु आहे. भारतीय क्रिकेट नियामक मंडळाने संकेत दिले आहेत की आगामी हंगामासाठी लिलाव भारताबाहेर होऊ शकतो.
कुठे होणार आयपीएल २०२५ मेगा ऑक्शनचे कुठे होणार?
बई (यूएई), दोहा (कतार) आणि सौदी अरेबिया या तीन शहरांचा आयपीएल २०२५ मेगा ऑक्शनसाठी विचार केला जात आहे. या शहरांच्या वैशिष्ट्यांवर एक नजर टाकूया.
दोहा, जो फिफा विश्वचषक २०२२ चे आयोजन केले होते, कतार आता क्रीडा जगतात एक उगवता तारा बनला आहे. कतार सरकार आणि क्रीडा संघटनांचे सहकार्य आंतरराष्ट्रीय क्रीडा केंद्र बनण्याच्या दिशेने घेऊन जात आहे. दोहाचे अत्याधुनिक स्टेडियम, इव्हेंट हॉल आणि उत्कृष्ट पायाभूत सुविधा आयपीएल लिलावासाठी उत्तम ठिकाण ठरू शकते.
सौदी अरेबिया झपाट्याने स्वतःला क्रीडा केंद्र म्हणून प्रस्थापित करत आहे. अलिकडच्या वर्षांत, सौदीने अनेक प्रमुख जागतिक क्रीडा स्पर्धांचे आयोजन केले आहे आणि आता आयपीएल मेगा लिलावासाठी संभाव्य पर्याय नाव पुढे केले जात आहे.
दुबईने यापूर्वी अनेक आंतरराष्ट्रीय क्रिकेट स्पर्धांचे यशस्वी आयोजन केले आहे. 2014 आणि 2020 मध्ये येथे काही आयपीएल सामने झाले. एवढेच नाही तर आयपीएल 2024 चा मिनी लिलाव देखील दुबईत आयोजित करण्यात आला होता, त्यामुळे हे ठिकाण बीसीसीआयसाठी पर्याय म्हणून निवडू शकते.
बीसीसीआय या तीन शहरांचा विचार करत असले तरी भारतात मुंबईकडे दुर्लक्ष करता येणार नाही. आयपीएलचा प्रारंभिक हंगाम आणि मेगा लिलाव येथे आयोजित करण्यात आले होते आणि भारताचे व्यावसायिक केंद्र असल्याने, मुंबई हे बीसीसीआयसाठी नेहमीच प्राधान्य राहिले आहे.
