गुरुवार, 22 ऑक्टोबर 2026
विराट कोहली त्याच्या भावासोबत(फोटो-सोशल मीडिया)
Virat Kohli’s Gurugram property in brother’s name : भारतीय क्रिकेट संघाचा महान फलंदाज आणि माजी कर्णधार विराट कोहली सध्या चांगलाच चर्चेत आला आहे, चॅम्पियन ट्रॉफीनंतर विराट कोहली दीर्घ काळानंतर एकदिवसीय सामन्यात पुनरागमन करणार आहे. त्याचे चाहते खूप खुश दिसत आहेत. परंतु तो चर्चेत येण्याचे कारण म्हणजे ऑस्ट्रेलियाला जाण्यापूर्वी कोहलीने त्याच्या गुरुग्राम मालमत्तेचा जनरल पॉवर ऑफ अॅटर्नी (GPA) त्याचा मोठा भाऊ विकास कोहलीला हस्तांतरित केला. विराट कोहलीची ही मैदानाबाहेरची कृती चर्चेत आहे कारण त्याच्याकडून त्याच्या वैयक्तिक आणि कायदेशीर जबाबदाऱ्या सोप्या करण्यासाठी हा निर्णय घेण्यात आला आहे.
मीडिया रिपोर्ट्समध्ये असा दावा करण्यात आला आहे, की कोहली कायमचा लंडनला स्थलांतरित होण्याची शक्यता आहे. परंतु त्याने कधीही या गोष्टीला दुजोरा दिला नाही. तो सध्या त्याची पत्नी अनुष्का शर्मा आणि त्यांच्या दोन मुलांसह लंडनमध्ये वास्तव्यास आहे. परदेशात राहिल्यामुळे, विराट कोहलीकडून त्याचा विश्वासू मोठा भाऊ विकास कोहलीकडे त्याच्या मालमत्तांचे व्यवस्थापन सोपवले आहे. जेणेकरून त्याला कायदेशीर निर्णय घेण्यासाठी किंवा मालमत्तेशी संबंधित अधिकृत बाबींमध्ये वारंवार भारतात यावे लागू नये.
विराट कोहली १५ ऑक्टोबर रोजी एकदिवसीय मालिकेसाठी ऑस्ट्रेलियाला रवाना झाला आहे. त्याच्या एक दिवस आधी, १४ ऑक्टोबर रोजी, तो भारतात आला आणि गुरुग्राममधील तहसील कार्यालयाला जाऊन भेट दिली. कोहलीने गुरुग्राममधील वझिराबाद तहसीलमध्ये कागदपत्रांवर स्वाक्षरी केली. तो या कार्यालयात सुमारे एक तास होता. यादरम्यान, त्याने तेथील कर्मचाऱ्यांसोबत फोटो आणि सेल्फी देखील काढली आणि स्वाक्षरी देखील केली.
विराट कोहलीकडे गुरुग्राममध्ये दोन प्रमुख मालमत्ता असून यापैकी एक डीएलएफ सिटी फेज-१ मध्ये असलेला एक आलिशान बंगला आहे, जो त्याने २०२१ मध्ये खरेदी केला होता. याव्यतिरिक्त, त्याच्याकडे गुरुग्राममध्ये एक आलिशान फ्लॅट देखील असून विकास कोहली आता या दोन्ही मालमत्तांचे व्यवस्थापन पाहणार आहे.
GPA किंवा GPOA (जनरल पॉवर ऑफ अॅटर्नी) हा एक अतिशय महत्त्वाचा कायदेशीर दस्तऐवज मानला जातो. तो एखाद्या व्यक्तीला (विराट कोहली सारखा प्रमुख) दुसऱ्या व्यक्तीला (एजंट, जसे की विकास कोहली) मालमत्ता व्यवस्थापित करण्यासाठी किंवा त्याच्या वतीने इतर आर्थिक कार्ये करण्यासाठी अधिकार सोपवण्याचा अधिकार प्रदान करतो.
जनरल पॉवर ऑफ अॅटर्नी हा एक समग्र कायदेशीर दस्तऐवज असून तो एजंटला बँकिंग, मालमत्ता व्यवस्थापन, करारांवर स्वाक्षरी करणे आणि इतर अनेक आर्थिक बाबींसह विविध क्षेत्रात निर्णय घेण्यास सक्षम बनवतो. हा दस्तऐवज रद्द होईपर्यंत वा प्रिन्सिपलच्या मृत्यूपर्यंत प्रभावी राहतो.
हेही वाचा : ऑस्ट्रेलियाला पोहोचताच Virat Kohli ची नवी पोस्ट व्हायरल, म्हणाला – तुम्ही फक्त तेव्हाच अपयशी ठरता जेव्हा…
