शनिवार, 17 ऑक्टोबर 2026
बंपर डील मिस करू नका! Flipkart वर सुरु आहे बेस्ट ऑफर, iPhone च्या या मॉडेलवर मिळतंय तब्बल 9000 रुपयांचं डिस्काउंट
आयफोनची किंमत जास्त असली तरी देखील त्याची क्रेझ काही कमी होत नाही. लोकांमध्ये आयफोनचं प्रचंड वेड आहे. कारण आयफोनचा लूक आणि त्याचे फीचर्स एक वेगळेच आकर्षण निर्माण करतो. तुम्ही देखील तुमच्या आवडीचा आणि अनेक दिवसांपासून विशलिस्टमध्ये सेव्ह केलेला आयफोन खरेदी करण्याचा विचार करत आहात का? तर ही बातमी तुमच्यासाठी आहे. आता आम्ही तुम्हाला ई कॉमर्स फ्लिपकार्टवरील एका क्रेझी डिलबद्दल सांगणार आहोत, ज्याच्या मदतीने तुम्ही iPhone 16 Plus तब्बल 9 हजार रुपयांच्या डिस्काऊंट ऑफरसह खरेदी करू शकणार आहात.
ई कॉमर्स प्लॅटफॉर्म फ्लिपकार्ट त्यांच्या ग्राहकांसाठी एक आकर्षक डिल घेऊन आला आहे. या डिलमध्ये तुम्हाला iPhone 16 Plus तब्बल 9 हजार रुपयांच्या डिस्काऊंटसह खरेदी करण्याची संधी मिळणार आहे. कंपनी येत्या सप्टेंबर महिन्यात त्यांची नवीन आयफोन सिरीज लाँच करणार आहे. या नव्या सिरीजच्या लाँचिंगपूर्वी आता आयफोन 16 सिरीजच्या काही मॉडेल्सवर डिस्काऊंट ऑफर केलं जात आहे. ही ऑफर मर्यादित काळासाठी उपलब्ध असणार आहे. (फोटो सौजन्य – Pinterest)
गेल्या वर्षी अ‍ॅपलने भारतात iPhone 16 Plus 89,900 रुपयांच्या सुरुवातीच्या किमतीत लाँच केला होता. तथापि, सध्या हा फोन फ्लिपकार्टवर 5 हजार रुपयांच्या फ्लॅट डिस्काउंटसह सूचीबद्ध आहे, ज्यामुळे त्याची किंमत 84,900 रुपयांपर्यंत कमी झाली आहे. या डीलला आणखी मजेदार करण्यासाठी, फ्लिपकार्ट सर्व बँक क्रेडिट कार्ड व्यवहारांवर 4,000 रुपयांची अतिरिक्त सूट देखील देत आहे. म्हणजेच तुम्ही फोनवर एकूण 9 हजार रुपयांपर्यंत बचत करू शकता. काय मग फ्लिपकार्टची ही डिल, खरंच क्रेझी आहे ना?
इतकेच नाही तर, तुम्ही फोनवर अतिरिक्त पैसे वाचवण्यासाठी एक्सचेंज ऑफरचा देखील लाभ घेऊ शकता, जिथून तुम्हाला तुमच्या जुन्या फोनच्या स्थितीनुसार 49,950 रुपयांपर्यंत सूट मिळू शकते. कंपनी एक्सचेंज ऑफरमध्ये 3 हजार रुपयांची अतिरिक्त सूट देखील देत आहे, जिथे तुम्ही तुमचा जुना स्मार्टफोन विकून आणखी बचत करू शकता.
स्पेसिफिकेशन्सबद्दल बोलायचे झाले तर,iPhone 16 Plus मध्ये 6.7-इंचाचा सुपर रेटिना XDR OLED डिस्प्ले आहे. एवढेच नाही तर या प्रीमियम फ्लॅगशिप स्मार्टफोनमध्ये अ‍ॅपलचा शक्तिशाली A18 चिपसेट देण्यात आला आहे. हा फोन अ‍ॅपल इंटेलिजेंसच्या सर्व
वैशिष्ट्यांना देखील सपोर्ट करतो. कंपनीच्या मते, iPhone 16 Plus वर तुम्हाला 27 तासांपर्यंत व्हिडिओ प्लेबॅक वेळ मिळू शकतो.
फोटो आणि व्हिडिओसाठी, iPhone 16 Plus मध्ये 48MP प्राथमिक कॅमेरा आणि 12MP अल्ट्रा-वाइड लेन्स आहे. सेल्फी आणि व्हिडिओ कॉलसाठी, डिव्हाइसमध्ये 12MP सेल्फी कॅमेरा आहे. याशिवाय, हा प्रीमियम फोन IP68-प्रमाणित आहे जो त्याला वॉटरप्रूफ फोन बनवतो.
