शनिवार, 17 ऑक्टोबर 2026
प्रीमियम फीचर्स, तगडी बॉडी अन् मोठी बॅटरी! Honor 600S 5G ने वेधलं सर्वांच लक्ष; किंमत 25 हजारांहून कमी
हॉनर 600 एस 6 जीबी रॅम आणि 128 जीबी स्टोरेजसह लाँच करण्यात आला आहे. या डिव्हाईसची सुरुवातीची किंमत 1,999 हाँगकाँग डॉलर म्हणजेच सुमारे 24,400 रुपये आहे. ग्राहक हा स्मार्टफोन डेजर्ट गोल्ड, मिस्टी पर्पल आणि वेलवेट ब्लॅक रंगांच्या पर्यायांत खरेदी करू शकतात. (फोटो सौजन्य: Honor)
कंपनीने लाँच केलेल्या नवीन हॉनर 600 एस स्मार्टफोनमध्ये 6.87-इंचटीएफटी एलसीडी डिस्प्ले देण्यात आला आहे, ज्याचे रेजोल्यूशन 1592×720-पिक्सेल, रिफ्रेश रेट 120Hz आणि पीक ब्राइटनेस 1020 आहे. हा डिस्प्ले DC आणि डायनमिक डिमिंग, लो ब्लू लाइट आणि डार्क मोडला सपोर्ट करतो.
हॉनरचा हा स्मार्टफोन क्वालकॉमच्या स्नॅपड्रॅगन 4 जेन 4 चिपसेटसह 8GB रॅम आणि 128GB स्टोरेजने सुसज्ज आहे. या फोनमध्ये कंपनीने रॅम टर्बो टेक्नोलॉजी देखील दिली आहे, जी 16GB वर्चुअल रॅम ऑफर करते. हा फोन अँड्रॉईड 16 वर आधारित मॅजिकओएस 10 वर चालते. या लेटेस्ट लाँच डिव्हाईसमध्ये 45W वायर्ड चार्जिंग सपोर्टसह 8,100mAh बॅटरी दिली आहे. कंपनीने असा दावा केला आहे की, 5 वर्षांनंतरही फोनची बॅटरी क्षमता 80 टक्क्यांवर कायम राहील.
स्मार्टफोनच्या फोटोग्राफीबद्दल बोलायचं झालं तर, हॉनर 600 एस मध्ये 50 मेगापिक्सेलचा रियर कॅमेरा देण्यात आला आहे, ज्याचा अपर्चर f/1.8 आहे. यासोबतच फोनमध्ये सेल्फी आणि व्हिडीओ कॉलिंगसाठी 5 मेगापिक्सेलचा फ्रंट कॅमेरा देण्यात आला आहे. हा फोन फ्रंट आणि बॅक दोन्ही कॅमेऱ्यांनी 1080p व्हिडीओ रेकॉर्डिंग करण्यास सक्षम आहे.
हॉनर 600 एस 5G मध्ये कंपनीने एआय मेमरी, सर्कल टू सर्च, एआय इमेज रिमूवल आणि एआय समरी सारखे अनेक फीचर्स देण्यात आले आहेत. यासोबतच, यामध्ये एआय ईमेज-टू-व्हिडीओ 2.0 फीचर देखील देण्यात आले आहे, जो सोप्या कमांडवर छोटे व्हिडिओ तयार करू शकते. या फोनमध्ये NFC, बाजूला असलेला फिंगरप्रिंट सेन्सर आणि स्टिरिओ स्पीकर्सची सुविधाही देण्यात आली आहे. तसेच, हा फोन IP68, IP69 आणि IP69K रेटिंग्ससह येतो आणि त्याला 2.5 मीटर उंचीवरून पडल्यास होणाऱ्या नुकसानीपासून सुरक्षित राहण्याचे (ड्रॉप रेझिस्टन्स) प्रमाणपत्रही मिळाले आहे.
