लाँचिंगपूर्वीच क्रिकेटर श्रेयस अय्यरच्या हातात दिसला Vivo चा Ultra फोन! फोटोग्राफीसमोर DSLR पडेल फीका, असे असू शकतात तगडे फीचर्स

टेक कंपनी विवो लवकरच एक नवीन स्मार्टफोन लाँच करण्याची तयारी करत आहे. एक असा स्मार्टफोन जो फोटोग्राफीच्या बाबतीत डीएसएलआरला टक्कर देऊ शकेल. हा स्मार्टफोन लाँच होण्यापूर्वी श्रेयस अय्यरच्या हातात दिसला आहे.

लाँचिंगपूर्वीच क्रिकेटर श्रेयस अय्यरच्या हातात दिसला Vivo चा Ultra फोन! फोटोग्राफीसमोर DSLR पडेल फीका, असे असू शकतात तगडे फीचर्स

Follow Us:

Follow Us:

• Vivo X300 Ultra लाँचपूर्वीच क्रिकेटर Shreyas Iyer कडे दिसल्याने या फ्लॅगशिप फोनची जोरदार चर्चा सुरू झाली आहे.
• या स्मार्टफोनमध्ये 200MP चे ड्युअल कॅमेरे, तगडा प्रोसेसर आणि 16GB रॅमसह DSLR-लेव्हल फोटोग्राफीची सुविधा मिळू शकते.
• Vivo X300 सीरीज 7 मे रोजी लाँच होण्याची शक्यता असून Ultra व्हेरिअंटची किंमत सुमारे ₹95,000 च्या आसपास असू शकते.

पावरफुल चिपसेट आणि तगडी बॅटरी… नव्या स्मार्टफोनसह या कंपनीने केली कमाल, ग्राहकांची पसंती मिळणार?

हा फ्लॅगशिप फोन डीएसएलआरला देखील टक्कर देऊ शकतो. फोनमध्ये तब्बल 200MP चे दोन कॅमेरे देण्यात आले आहेत. तसेच या स्मार्टफोनमध्ये अनेक तगडे फीचर्स देखील आहेत. कंपनी X300 सीरीजअंतर्गत येत्या काहीच दिवसांत vivo X 300Ultra लाँच करणार असल्याची चर्चा सुरु आहे. या स्मार्टफोनसोबतच कंपनी Vivo X300 Pro आणि Vivo X300 FE देखील लाँच करण्याची तयारी करत आहे. पंजाब किंग्सचा कॅप्टन श्रेयस अय्यर वीवोच्या अनरिलीज्ड फोनने फोटोग्राफी करताना दिसत आहे. फोनच्या मागील बाजूला झूम लेंस लावली आहे. या फोनमध्ये लावलेल्या एक्सेसरीजचा वापर करून अय्यर स्टेडियममध्ये फोटोग्राफी करत असल्याचे दिसत आहे. कॅमेऱ्याच्या लेन्सवर व्हिवोचे ब्रँडिंग दिसते.  (फोटो सौजन्य – इंस्टाग्राम) 

 

View this post on Instagram

 

A post shared by Abhijeet Gosavi (@abhimobile)

कधी लाँच होणार विवो स्मार्टफोन्स?

गेल्या काही दिवसांपासून स्मार्टफोनच्या लाँचिंगबाबत अनेक रिपोर्ट्स समोर येत आहेत. असं सांगितलं जात आहे की, वीवोचा हे स्मार्टफोन्स 7 मे रोजी लाँच केले जाण्याची शक्यता आहे. या दोन्ही स्मार्टफोन्सची विक्री 14 मे रोजी सुरु होणार आहे.

किती असू शकते नव्या स्मार्टफोनची किंमत?

Vivo X300 FE अलीकडेच रशियातील स्मार्टफोन मार्केटमध्ये लाँच करण्यात आला आहे. या स्मार्टफोनची किंमत RUB 60,299 म्हणजेच सुमारे 71,000 रुपये ठेवली आहे. तर Vivo X300 Ultra अलीकडेच चिनी बाजारात लाँच करण्यात आला आहे, ज्याची किंमत CNY 6,999 म्हणजेच सुमारे 95,900 रुपये ठेवली आहे.

Vivo X300 Ultra चे अपेक्षित फीचर्स आणि स्पेसिफिकेशन्स

विवोचा हा दमदार फ्लॅगशिप फोन 6.82 इंच OLED डिस्प्लेसह लाँच केला जाण्याची शक्यता वर्तवली जात आहे. या फोनमध्ये क्वालकॉम स्नॅपड्रॅगन 8 एलिट जेन 5 प्रोसेसर दिला जाऊ शकतो. तसेच या डिव्हाईसमध्ये 16GB रॅमसह 1TB पर्यंत स्टोरेज दिले जाण्याची शक्यता आहे. असं सांगितलं जात आहे की, नवीन विवो स्मार्टफोनमध्ये 90W फास्ट चार्जिंग फीचरसह 6,600mAh बॅटरी दिली जाऊ शकते.

Tech Tips: कोण वापरतंय तुमच्या iPhone चा हॉटस्पॉट डेटा? क्षणार्धात लावा शोध, फॉलो करा ही सोपी प्रोसेस

चीनमध्ये हा फोन डीएसएलआर क्वालिटी असलेल्या कॅमेऱ्यासह लाँच करण्यात आला आहे. या स्मार्टफोनच्या मागील बाजूला 200MP चे दोन कॅमेरे दिले आहेत. तर फोनमधील तिसरा कॅमेरा 50MP चा आहे. सेल्फी आणि व्हिडीओ कॉलिंगसाठी या स्मार्टफोनमध्ये 50MP चा कॅमेरा दिला आहे. हे अँड्रॉइड 6.3 वर आधारित ओरिजिन ओएस 16 सह लाँच केले जाऊ शकते.

Web Title: Shreyas iyer spotted with vivo x 300 ultra at stadium before official launching camera is amazing tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com