सोमवार, 19 ऑक्टोबर 2026
आता तुमचा WhatsApp बनेल AI हब! यूजर्ससाठी येणार मोठं अपडेट, तुमच्या आवडीनुसार जोडता येणार थर्ड-पार्टी एआय एजंट
व्हॉट्सॲप फीचर्स ट्रॅक करणारे प्लॅटफॉर्म WABetaInfo ने दिलेल्या माहितीनुसार, हे व्हॉट्सॲप फीचर बीटा फॉर अँड्रॉईड वर्जन 2.26.35.3 मध्ये पाहिले होते. रिपोर्टनुसार, ॲपच्या सेटिंगमध्ये एक नवीन एजेटंस पर्याय जोडला जाणार आहे, ज्यामुळे यूजर्सना सुसंगत सेवा जोडता आणि कॉन्फिगर करता येतील. यूजर्स प्रत्येक एजंटला स्वतःचे नाव आणि प्रोफाइल फोटो देऊ शकतील. व्हॉट्सॲप एका अकाऊंटसाठी जास्तीत जास्त 5 एजेंट्सना सपोर्ट करू शकतो. (फोटो सौजन्य: istock)
एजेंट कॉन्फिगर केल्यानंतर व्हॉट्सॲप एक एपीआय की जनरेट करणार आहे. यानंतर यूजर्सना बॉट ज्या सेवेच्या प्लॅटफॉर्मवर होस्ट केलेला आहे तिथे ही की पेस्ट करावी लागणार आहे. ज्यामुळे त्याला व्हॉट्सॲप चॅट्सशी लिंक केले जाऊ शकते. वेगवेगळ्या सेवांसाठी सेटअप प्रोसेस थोडी बदलू शकते आणि कनेक्शनव रिसेट करण्यासाठी नवीन की जनरेट करण्याचा पर्याय देखील मिळणार आहे. व्हॉट्सॲपसोबत लिंक झाल्यानंतर संबंधित एआय एजेंट त्याच्या वेगळ्या वैयक्तिक चॅट विंडोमध्ये काम करणार आहे.
WABetaInfo ने दिलेल्या माहितीनुसार, संबंधित थर्ड पार्टी सर्विसकडे यूजरचे दुसरे वैयक्तिक चॅट्स, कॉन्टॅक्ट्स किंवा मीडिया फाईल्सचा ॲक्सेस नसेल. याचा अर्थ असा आहे की, ग्रुप चॅट्स किंवा कम्युनिटीजमध्ये या एजेंट्सना जोडण्याचा पर्याय मिळणार नाही.
यूजर्स ॲपच्या सेटिंगमध्ये जाऊन जोडण्यात आलेले एजेंट्स कधीही मॅनेज करू शकणार आहेत, ज्यामध्ये त्यांचे नाव आणि प्रोफाईल फोटो बदलणं समाविष्य आहे. जर यूजरने एखाद्या एजेंटला हटवण्याचा निर्णय घेतला तर तो चॅटमधून डिस्कनेक्ट होणार आहे. मात्र व्हॉट्सॲप जुना चॅट इतिहास सुरक्षित ठेवणार आहे. यूजर्सची इच्छा असल्यास ते नवीन एपीआय की वापरून ती सर्विस पुन्हा रिकनेक्ट करू शकणार आहेत.
रिपोर्ट्सनुसार, थर्ड-पार्टी AI एजेंट्ससोबत केले जाणारे संभाषण व्हॉट्सॲपच्या ट्रेडिशनल एंड-टू-एंड एन्क्रिप्शन (E2EE) अंतर्गत येणार नाही. एजंटला पाठवलेले मेसेज मेटाच्या सेवेद्वारे एजेंट डेव्हलपरपर्यंत पोहोचतील, ज्यामुळे डेव्हलपरला त्यांच्या सेवेचा भाग म्हणून त्यांवर प्रक्रिया करणे शक्य होईल. तथापी, दोन यूजर्समध्ये केले जाणारे पर्सनल चॅट्स आणि कॉल्स पूर्णपणे एंड-टू-एंड एन्क्रिप्टेड असतात.
