शनिवार, 17 ऑक्टोबर 2026
WhatsApp Update: व्हॉट्सॲप यूजर्ससाठी नवं फीचर जारी! अनोळखी कॉल्सची मिळणार माहिती, अकाऊंट होणार आणखी सुरक्षित
व्हॉट्सॲपने आता पासकी फीचर अधिक चांगले बनवले आहे. पासकी फीचरच्या मदतीने यूजर्स एसएमएस व्हेरिफिकेशन कोड एंटर करण्याऐवजी फिंगरप्रिंट, फेस आयडी किंवा स्क्रीन लॉकचा वापर करून त्यांच्या अकाऊंटमध्ये पुन्हा लॉगिन करू शकतात. कंपनीचं असं म्हणणं आहे की, जगभरात एक अब्जहून अधिक लोकांनी त्यांच्या व्हॉट्सॲप अकाऊंटसाठी पासकी क्रिएट केली आहे. जर एखादा यूजर अँड्रॉईड आणि आयफोन अशा दोन्ही डिव्हाईसचा वापर करत असेल तर तो यूजर त्याच्या अकाऊंटसाठी एकापेक्षा जास्त पासकी क्रिएट करू शकतो. पासकी क्रिएट करण्याची प्रोसेस अतिशय सोपी आहे. यासाठी तुम्हाला व्हॉट्सॲप सेटिंगमध्ये जाऊन अकाऊंटवर क्लिक करावे लागणार आहे. यानंतर पासकी पर्याय निवडावा लागेल. यानंतर तुम्ही पासकी क्रिएट करू शकता.
WhatsApp is rolling out the account password feature! WhatsApp is introducing a feature that replaces the two-step verification PIN with an account password.https://t.co/5JVuqpihnV pic.twitter.com/IOavOyyg7X — WABetaInfo (@WABetaInfo) August 25, 2026
व्हॉट्सॲपने त्यांचे टू- स्टेप व्हेरिफिकेशन देखील पूर्वीपेक्षा अधिक मजबूत बनवले आहे. आतापर्यंत यूजर्सना जास्तीच्या सुरक्षेसाठी 6 डिजीट पिन सेट करण्याचा पर्याय ऑफर केला जात होता. मात्र आता नव्या अपडेटमुळे यामध्ये देखील बदल करण्यात आला आहे. आता यूजर्स पिनऐवजी पासवर्ड क्रिएट करू शकणार आहेत. यामध्ये अक्षरं, नंबर आणि विशेष कॅरेक्टर्सचा देखील समाविष्ट केले जाऊ शकतात. मोठा आणि जास्त कॉम्प्लेक्स पासवर्ड असल्यामुळे दुसरा व्यक्ती हा पासवर्ड अगदी सहज ओळखू शकणार नाहीत.
व्हॉट्सॲप आता अँड्रॉईड यूजर्सना अनोळखी कॉल्सची माहिती देणार आहे. जर यूजरला अशा एखाद्या नंबरवरून कॉल येत आहे, जो त्याच्या संपर्क यादीत समाविष्ट नाही, तर अशावेळी व्हॉट्सॲप यूजरला संबंधित कॉलबाबत जास्तीची माहिती दाखवली जाणार आहे. यामध्ये समजू शकते की, कॉल करणारी व्यक्ती दुसऱ्या देशाची आहे की नाही आणि हा व्यक्ती यूजरसोबत कोणत्या ग्रुपमध्ये जोडला आहे की नाही. यामुळे यूजर अंदाज लावू शकतात की ही व्यक्ती कोण असू शकते आणि ठरवू शकतात की कॉल रिसिव्ह करायचा आहे की नाही.
