शनिवार, 17 ऑक्टोबर 2026
फोल्डेबल फोनच्या दुनियेत Xiaomiचा नवा ‘धमाका’! 6000mAh बॅटरीसह येतोय Xiaomi 18 Fold, यूजर्सना मिळणार ‘हे’ भन्नाट फीचर्स
Apple ईव्हेंटपूर्वीच iPhone खरेदीचा प्लॅन करताय? थोडं थांबा, 9 सप्टेंबरनंतर मिळू शकतो मोठा फायदा
शाओमीचा आगामी फोल्ड फोन लाँच होण्यापूर्वीच त्याचे काही फीचर्स आणि स्पेसिफिकेशन्स समोर आले आहेत. समोर आलेल्या काही रिपोर्ट्सनुसार, शाओमी 18 फोल्डमध्ये 6,000mAh बॅटरी दिली जाऊ शकते. जर खरंच कंपनीने हा फोन 6,000mAh बॅटरीसह लाँच केला तर हा फोन मार्केटमध्ये उपलब्ध असलेल्या अनेक वाईड फोल्डेबल स्मार्टफोनच्या तुलनेत मोठी बॅटरी ऑफर करणार आहे. (फोटो सौजन्य: You Tube)
उदाहरणार्थ, सॅमसंगने अलीकडेच लाँच केलेल्या गलेक्सी झेड फोल्ड 8 मध्ये 4,880mAh बॅटरी आणि हुवाई पुरा एक्स व्ह्यु मध्ये 5,300mAh बॅटरी देण्यात आली आहे. मात्र आगामी शाओमी फोल्ड फोन तुम्हाला यापेक्षा मोठी बॅटरी ऑफर करण्याची शक्यता आहे.
इतकंच नाही तर आगामी फोल्ड फोनमध्ये चार्जिंग स्पीड देखील दमदार असण्याची शक्यता आहे. एका टिप्स्टरनेस दिलेल्या माहितीनुसार, कंपनीच्या आगामी डिव्हाईसमध्ये 67W वायर्ड फास्ट चार्जिंग सपोर्ट आणि 50W वायरलेस चार्जिंग सपोर्ट दिला जाऊ शकतो. मोठी बॅटरी आणि जलद चार्जिंगच्या संयोगामुळे यूजर्सना फोनचा वापर पुन्हा लवकर सुरू करण्यास मदत होऊ शकते.
रिपोर्ट्समध्ये असे सांगितलं आहे की, शाओमी 18 फोल्ड मध्ये 7.6 इंच फोल्डेबल डिस्प्ले मिळू शकतो. या डिव्हाईसमध्ये अँड्रॉईड 17 आधारित हायपरओएस 4 मिळण्याची शक्यता आहे. तर फोटोग्राफीसाठी या फोनमध्ये 200MP चा प्रायमरी कॅमेरा दिला जाऊ शकतो. दरम्यान, सुरक्षेसाठी या डिव्हाइसमध्ये बाजूला बसवलेला फिंगरप्रिंट सेन्सर असू शकतो.
