शुक्रवार, 16 ऑक्टोबर 2026
(फोटो सौजन्य: Instagram)
कचरापेटीची पूजा
व्हिडिओमध्ये आपण पाहू शकता, यात काही महिला मंदिराबाहेर ठेवलेल्या एका कचरापेटीची पूजा करताना दिसले. त्यांनी जल अर्पण केले आणि पानेही वाहिली. खरंतर ही कचरापेटी उंदराच्या आकारात तयार करण्यात आली होती ज्यामुळे लोकांचा गैरसमज झाला. हिंदू धर्मात गणपतीचे वाहन म्हणून मूषक म्हणजेच उंदराला ओळखले जाते अशात हे भगवान गणपतीचे वाहन मूषक यांची मूर्ती आहे असं समजून लोकांनी याची पूजा करायला सुरुवात केली. परंतु वास्तवात ती महानगरपालिकेची एक कचरापेटी होती. कचरापेटीचा आकार एका शोभेच्या आकृतीसारखा होता ज्यामुळे लोकांना संभ्रम झाला आणि लोकांनी नको ते करु पाहिले. मुख्य म्हणजे त्यातील एकाच्याही लक्षात आले नाही की ती धार्मिक मूर्ती नसून कचरापेटी आहे.
View this post on Instagram
व्हिडिओच्या कॅप्शनमध्ये फार मिश्किलरित्या घटनेचे वर्णन करण्यात आले आहे. यात लिहिले आहे की, “जेव्हा तुमची आध्यात्मिक भक्ती तुमच्या दृष्टीपलीकडे जाते!एका व्हायरल व्हिडिओमध्ये लोक पूर्णपणे भक्तीभावात मग्न होऊन रांगेत उभे असल्याचे दिसले. अत्यंत आदराने ते रस्त्याच्या कडेला असलेल्या एका वस्तूजवळ गेले, त्यावर (पवित्र) पाणी शिंपडले, काळजीपूर्वक टिळा लावला आणि ‘दैवी आशीर्वाद’ मिळवण्यासाठी हात जोडून नतमस्तक झाले. पण यातला ट्विस्ट काय? तर ती काही प्राचीन मूर्ती नव्हती. ती केवळ महानगरपालिकेने नुकतीच बसवलेली, एखाद्या शोभिवंत आकृतीसारखी दिसणारी कचराकुंडी होती. यावरून हेच सिद्ध होते की, जर तुमची श्रद्धा अढळ असेल, तर कचराकुंडीलाही ‘व्हीआयपी’ (VIP) वागणूक आणि ‘रेड कार्पेट’चा मान मिळू शकतो”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
