रविवार, 6 सप्टेंबर 2026
फोटो सौजन्य सोशल मीडिया
हा अपघात फोगो बेटावरील Cha das Caldeiras आणि Campanas de Cima यांना जोडणाऱ्या डोंगराळ मार्गावर झाला . बस अचानक रस्त्यावरून घसरली आणि सुमारे ३० मीटर खोल दरीत कोसळली . अपघाताची जागा खडकाळ आणि दुर्गम असल्याने बचावकार्याला मोठ्या अडचणींना सामना करावा लागला . घटनास्थळी पोहोचण्यासाठी बचाव पथकांना मोठ्या प्रयत्नांची गरज भासली आहे .
या बसमध्ये प्रामुख्याने तरुण आणि माध्यमिक शाळेतील विद्यार्थी प्रवास करत होते . स्थानिक माहितीनुसार १९ मुले आणि किशोरवयीन जखमी अवस्थेत रुग्णालयात दाखल झाले होते . त्यापैकी काहींची प्रकृती गंभीर असल्याचे अधिकाऱ्यांनी सांगितले . या प्रवासाचे आयोजन शाळांनी केले न्हवते . चालकाकडून दरवर्षी आयोजित करण्यात येणाऱ्या सहलीचा हा भाग असल्याची माहिती समोर आली आहे .
अपघातानंतर जखमींना São Francisco de Assis Regional Hospital येथे दाखल करण्यात आले . काही जखमींची प्रकृती गंभीर असल्याने मृतांचा आकडा आणखी वाढण्याची भीती व्यक्त करण्यात आली आहे . अपघात नेमका कोणत्या कारणामुळे झाला , याचा तपास प्रशासनाकडून सुरु आहे .
केप वर्देच्या अधिकाऱ्यांनी या दुर्घटनेबद्दल दुःख व्यक्त केले असून , बेटावर शोककळा पसरली आहे . एक महत्वाची बाब म्हणजे ही सहल संबंधित शाळांनी आयोजित केली न्हवती . उपलब्ध माहिती नुसार , बसचालक विद्यार्थ्यांसाठी दरवर्षी अशी खाजगी सहल आयोजित करत होता . त्यामुळे अपघातानंतर या प्रवासाच्या व्यवस्थेवरही प्रश्न उपस्थित झाले आहेत .
