शनिवार, 17 ऑक्टोबर 2026
फोटो सौजन्य AI
टायफून सौडेलने गुरुवारी फूजियानच्या किनारपट्टीवर तिसऱ्यांदा धडक दिली त्यानंतर मुसळदार पावसामुळे फुडिंगसह अनेक भागांमध्ये पूरस्थिती निर्माण झाली . काही ठिकाणी पाणी कमरेपर्यंत पोहोचले असून अग्निशमन दलाच्या जवानांनी वृद्ध नागरिकांना पुराच्या पाण्यातून सुरक्षित बाहेर काढले . जिनशी गावात पुराच्या वेगवान प्रवाहामुळे तीन मजली इमारत कोसळल्याची माहिती समोर आली आहे .
पुराच्या धोका लक्षात प्रशासनाने अनेक भागांमध्ये शाळा बंद केल्या असून सार्वजनिक वाहतूक आणि काही कामकाजही थांबवण्यात आले आहे . फुजियानमधे गुरुवारी सकाळपर्यंत ८३ हजारांपेक्षा जास्त नागरिकांचे स्थलांतर करण्यात आले होते . आठ प्रमुख रस्ते बंद करण्यात आले . तर शेकडो वाहतूक सेवा स्थगित करण्यात आल्या . पर्यटकांच्या सुरक्षेसाठी १५० हुन अधिक पर्यटनस्थळेही बंद ठेवण्यात आली .
सौडेलमुळे फुजियान आणि ग्वान्गडोन्ग मध्ये आणखी मुसळदार पावसाचा अंदाज व्यक्त करण्यात आला आहे . काही नद्यांनी धोक्याची पातळी ओलांडली असून सखल भागांमध्ये राहणाऱ्या नागरिकांना मोठा धोका निर्माण झाला आहे . प्रशासनाने भूस्खलन , अचानक पूर आणि शहरी जलमय होण्याचा धोका लक्षात घेऊन सतर्कता वाढवली आहे . सौडेल हा यावर्षी चीनच्या किनारपट्टीवर धडकणारा सातवा टायफून असल्याचे वृत्त आहे .
