गुरुवार, 22 ऑक्टोबर 2026
फोटो सौजन्य सोशल मीडिया
अमेरिकन लष्कराने इराणच्या तेल वाहतूक व्यवस्थेला धक्का देत तीन तेल टँकर्सना लक्ष केले . अमेरिकेच्या म्हणण्यानुसार या कारवाईमागे अमेरिकन नौदलाच्या युद्धनौकांवर झालेल्या क्षेपणास्त्र हल्ल्याना उत्तर देण्याचा उद्देश होता . या हल्ल्यामुळे अमेरिका इराण संघर्षाचा समुद्री आयाम अधिक गंभीर झाला आहे . विशेषतः इराणच्या तेल निर्यातीसाठी महत्वाच्या असलेल्या आखाती मार्गावर तणाव वाढण्याची शक्यता आहे . कच्च्या तेलाच्या वाहतुकीवर परिणाम झाल्यास त्याचा थेट परिणाम आंतरराष्ट्रीय बाजारावरही होऊ शकतो .
Gaza Row : गाझातील मानवतावादी संकटावरून अमेरिकन राजदूतांचा ब्रिटनवर ‘सेमेटिझम’चा आरोप
अमेरिकन कारवाईमुळे इराणच्या संसदेचे अध्यक्ष मोहम्मद घालीबाफ यांनी अमेरिकेला कठोर शब्दात इशारा दिला . इराणच्या हितसंबंधांवर किंवा सुरक्षेवर भविष्यात हल्ला झाल्यास यापुढील उत्तर पूर्वीपेक्षा अधिक मोठे आणि त्रासदायदक हल्ले होतील असे त्यांनी स्पष्ट केले आहे .
घालिबाफ यांच्या वक्तव्यामुळे आता इराण अमेरिका संघर्ष वाढण्याचे संकेत मिळत आहेत . दोन्हीही देश आता पाठीमागे सरायला तयार नाहीत हे आपण गेल्या काही महिन्यापासून पाहतच आहोत . सगळं जग हे युद्ध थांबण्याची वाट पाहत असतानाच हे दोघे मात्र हल्ल्यावर प्रतिहल्ला करत आहेत .
UK-Israel Row : इस्रायली वस्त्यांशी संबंधित १७ कंपन्यांना ब्रिटनचे २.१ अब्ज पौंडांचे कंत्राट
आखातातील तेल वाहतुकीसाठी होर्मूझ हे सगळ्यात महत्वाचे मानले जाते . जगातील जवळजवळ २० % तेल आणि व्यापारी वाहतूक याच होर्मूझ सामुद्रधुनीतून होत असते . पण युद्ध सुरु झाल्यापासून इथली वाहतूक कमी झाली असून किंवा पूर्णपणे बंद झाली असून . जगातील सगळ्यांनाच याचा फटका बसला आहे . मध्ये मध्ये युद्ध शांत झाले आहे असे वाटत असतानाच अचानक हल्ले पुन्हा सुरु होतात आणि वाहतुकीवर पुन्हा परिणाम पडतो .
आखातातील देश मुखत्वे तेल व्यवसायावर अवलंबून असल्याने त्यांच्यासाठी होर्मूझ सोबत आता लाल समुद्रातील वाहतूक हुतींच्यामुळे प्रभावित झाली आहे . त्यामुळे जगातील सगळ्या देशांचे संरक्षित तेलाचे साठे आता कामीं कमी होत चालले आहेत .तेव्हा हे युद्ध बंद होणे हे येत्या काळात जगाची तीव्र गरज होऊन बसणार आहे .
