रविवार, 18 ऑक्टोबर 2026
चीनच्या 'हेरगिरीच्या डोळ्यां'चा वापर करून इराणने अमेरिकेवर हल्ला केला; उपग्रह अहवालातून खळबळ उडाल्याचे उघड झाले ( फोटो सौजन्य : सोशल मीडिया )
Iran use Chinese spy satellite TEE-01B : जागतिक राजकारणात आता युद्धाची व्याख्या बदलली असून, हे युद्ध जमिनीवरून थेट अंतराळात पोहोचले आहे. अमेरिकन गुप्तचर संस्थांनी (America) दिलेल्या एका अत्यंत खळबळजनक अहवालानुसार, इराणने मध्य पूर्वेतील अमेरिकेच्या अति-सुरक्षित लष्करी तळांवर हल्ला करण्यासाठी चीनच्या हेरगिरी उपग्रहाची मदत घेतली आहे. ‘TEE-01B‘ नावाच्या या उपग्रहाने अमेरिकेच्या तळांची अशी माहिती इराणला दिली, ज्याने अमेरिकेच्या लष्करी सामर्थ्याला मोठे भगदाड पाडले आहे.
चिनी कंपनी ‘अर्थ आय’ द्वारे विकसित केलेला ‘TEE-01B’ हा केवळ एक नागरी उपग्रह नाही, तर तो इराणच्या ‘रिव्होल्यूशनरी गार्ड्स’ (IRGC) साठी एक शक्तिशाली अस्त्र ठरला आहे. हा उपग्रह अर्ध्या मीटरपर्यंतच्या रिझोल्यूशनसह प्रतिमा टिपू शकतो. याचा अर्थ असा की, जमिनीवर उभी असलेली विमानेच काय, तर एखादी छोटी गाडीही या उपग्रहाच्या नजरेतून सुटू शकत नाही. २०२४ च्या उत्तरार्धात इराणने हे तंत्रज्ञान हस्तगत केले आणि तेव्हापासून अमेरिकेच्या तळांवर संकटाचे सावट आले.
जागतिक घडामोडी संबंधित बातम्या वाचण्यासाठी येथे क्लिक करा : ‘MemeWar’मध्ये इराणचा USला ‘चेकमेट’! येशू ख्रिस्तांनी तोडला ट्रम्पचा जबडा; ‘या’ VIRAL VIDEOमुळे जगभरात हास्याची लाट
या उपग्रहाचा सर्वात भयानक वापर १३ ते १५ मार्च दरम्यान पाहायला मिळाला. चिनी उपग्रहाने सौदी अरेबियातील अमेरिकेच्या ‘प्रिन्स सुलतान’ हवाई तळाची चोख टेहळणी केली. या माहितीच्या आधारे इराणने केलेल्या हल्ल्यात अमेरिकेची पाच महत्त्वाची इंधन भरणारी विमाने जागीच खाक झाली. खुद्द डोनाल्ड ट्रम्प यांनी या नुकसानीला दुजोरा दिला असून, अमेरिकेच्या हवाई दलासाठी हा मोठा धक्का मानला जात आहे. इतकेच नाही, तर जॉर्डन, बहरीन आणि इराक मधील अमेरिकन तळांवरही याच उपग्रहाने पाळत ठेवली होती.
FT claimed Iran secretly acquired a Chinese-built spy satellite (TEE-01B) in late 2024 via the Revolutionary Guard aerospace unit. Leaked documents suggest the satellite was used to monitor key US military bases across the Middle East, producing time-stamped imagery… pic.twitter.com/h9VuPYq9vJ — Iran’s Today (@Iran) April 15, 2026
credit – social media and Twitter
इराणकडे स्वतःचा ‘नूर-३’ उपग्रह आहे, पण त्याची क्षमता मर्यादित होती. चीनच्या ‘TEE-01B’ मुळे इराणची अचूकता १० पटीने वाढली. याच कारणामुळे इराणला अमेरिकेची अत्यंत प्रगत अशी F-16 आणि F-35 लढाऊ विमाने शोधणे आणि ती पाडणे सोपे झाले. हल्ल्याचे नियोजन करण्यापासून ते हल्ला झाल्यानंतर झालेल्या नुकसानीचा आढावा घेण्यापर्यंत (Bala) इराणने या चिनी डोळ्यांचा पुरेपूर वापर केला आहे.
जागतिक घडामोडी संबंधित बातम्या वाचण्यासाठी येथे क्लिक करा : European Union: अमेरिकेला ‘बाय-बाय’! होर्मुझसाठी युरोपचा मोठा प्लॅन; भारत आणि चीनची घेणार मदत? आखाती देशांत नवी समीकरणे
इराण प्रकरणाच्या तज्ज्ञ निकोल ग्राजेव्स्की यांच्या मते, इराणच्या एरोस्पेस फोर्सच्या हातात हे तंत्रज्ञान पडणे म्हणजे आखाती देशांमधील लष्करी समतोल बिघडण्यासारखे आहे. परदेशी तंत्रज्ञानाच्या या मदतीने इराण आता अमेरिका आणि इस्रायलला सडेतोड उत्तर देण्याच्या स्थितीत आला आहे. चीन आणि इराणची ही छुप्या पद्धतीची लष्करी युती भविष्यात जगाला मोठ्या संकटात टाकू शकते, अशी भीती आता व्यक्त केली जात आहे.
Ans: इराणने चीनच्या 'TEE-01B' (Earth Eye) या शक्तिशाली हेरगिरी उपग्रहाचा वापर करून अमेरिकन तळांची टेहळणी केली आणि हल्ले केले.
Ans: डोनाल्ड ट्रम्प यांच्या दाव्यानुसार, इराणच्या हल्ल्यात अमेरिकेची ५ इंधन भरणारी विमाने आणि काही प्रगत लढाऊ विमाने नष्ट झाली आहेत.
Ans: हा चिनी उपग्रह इराणच्या स्वदेशी 'नूर-३' उपग्रहापेक्षा प्रतिमा टिपण्याच्या बाबतीत १० पटीने अधिक अचूक आहे.
