बुधवार, 21 ऑक्टोबर 2026
फोटो सौजन्य सोशल मीडिया
उत्तर सायप्रसच्या कायरेनिया बंदरातून तुर्कीतील तासुजू बंदराकडे निघालेल्या प्रवासी फेरीला रविवारी अचानक अपघात झाला . बंदरातून सुटल्यानंतर काही वेळातच फेरीमध्ये पाणी शिरू लागले . त्यानंतर परिस्थिती गंभीर बनली आणि फेरी उलटल्याची माहिती समोर आली .
Nepal Flood : नेपाळ-तिबेटमध्ये महापुराचा हाहाकार; मृतांचा आकडा 750 वर, 3 हजारांहून अधिक बेपत्ता
उत्तर सायप्रसच्या सार्वजनिक बांधकाम आणि वाहतूक मंत्र्यांच्या माहितीनुसार फेरीमध्ये २५९ प्रवासी आणि ८ कर्मचारी , असे एकूण २६७ जण होते . फेरीने पाणी घेण्यास सुरवात केल्यानंतर कॅप्टनने तातडीने मदतीचा संदेश पाठवला . काही प्रवाशांनी जीव वाचवण्यासाठी समुद्रात उड्या घेतल्याने प्रत्यक्षदर्शींनी सांगितले आहे . या घटनेनंतर परिसरात मोठी घबराट निर्माण झाली असून प्रवाशांना लाईफ जॅकेटच्या मदतीने बाहेर काढण्याचे प्रयत्न सुरु आहेत .
घटनेची माहिती मिळताच कोस्ट गार्डच्या बोटी , बचाव पथके आणि हेलिकॉप्टर घटनास्थळी रवाना करण्यात आले . परिसरातील मच्छीमार आणि खाजगी बोटीही बचावकार्यात सहभागी झाल्या आहेत . जखमी प्रवाशांना रुग्णालयात हलवण्यासाठी कायरेनिया बंदरावर रुग्णवाहिका तैनात करण्यात आल्या आहेत . फेरी नेमकी कोणत्या कारणाने पाण्यात उलटली , याचा तपास सुरु आहे . समुद्रातील परिस्थिती आणि फेरीमध्ये अचानक पाणी शिरण्याचे कारण शोधण्याचे काम प्रशासनाकडून केले जात आहे . दरम्यान बचावकार्य अद्याप सुरु असून प्रवाशांच्या सुरक्षिततेला सर्वोच्च प्राधान्य दिले जात आहे .
