सोमवार, 19 ऑक्टोबर 2026
शस्त्रसंधीमध्ये अमेरिका नव्हे, तर सौदी अरेबियाचा खरा हात; प्रिन्स सलमानच्या एकाच फोन कॉलने इस्रायलला गुडघे टेकायला लावले ( फोटो सौजन्य : सोशल मीडिया )
Saudi Arabia role in Lebanon ceasefire 2026 : मध्य-पूर्वेतील रक्तरंजित संघर्षाला पूर्णविराम देण्यासाठी आता जगातील सर्वात शक्तिशाली मुस्लिम राष्ट्र, सौदी अरेबियाने (Saudi Arabia) मैदानात उडी घेतली आहे. लेबनॉनमध्ये गेल्या अनेक दिवसांपासून सुरू असलेल्या इस्रायली हल्ल्यांना लगाम घालण्यासाठी अमेरिकेचे राष्ट्राध्यक्ष डोनाल्ड ट्रम्प यांनी १० दिवसांच्या शस्त्रसंधीची घोषणा केली खरी, पण या घोषणेचा रिमोट कंट्रोल वॉशिंग्टनमध्ये नसून रियाधमध्ये होता, अशी खळबळजनक माहिती समोर आली आहे. सौदीचे युवराज मोहम्मद बिन सलमान (MBS) यांच्या एका फोन कॉलने या युद्धाचे समीकरणच बदलून टाकले आहे.
सूत्रांनी दिलेल्या माहितीनुसार, लेबनॉनमधील वाढत्या मानवी संकटाच्या पार्श्वभूमीवर सौदीचे युवराज मोहम्मद बिन सलमान यांनी थेट डोनाल्ड ट्रम्प यांच्याशी संपर्क साधला. या संभाषणात एमबीएस यांनी अत्यंत स्पष्ट शब्दांत सांगितले की, जोपर्यंत इस्रायल लेबनॉनमधील लष्करी कारवाई थांबवत नाही, तोपर्यंत इराणसोबतच्या व्यापक शांतता चर्चेत प्रगती होणे अशक्य आहे. सौदी अरेबियाने अमेरिकेवर असा दबाव आणला की, इस्रायलला शस्त्रसंधीसाठी राजी करण्याशिवाय ट्रम्प यांच्याकडे दुसरा कोणताही पर्याय उरला नाही. या राजनैतिक दबावामुळेच ट्रम्प यांनी गुरुवारी तातडीने १० दिवसांच्या युद्धविरामाची घोषणा केली.
जागतिक घडामोडी संबंधित बातम्या वाचण्यासाठी येथे क्लिक करा : Uranium Crisis: ट्रम्पचा ‘युरेनियम दावा’ अवास्तव कल्पना; इराणने पुन्हा उघडपणे उडवली अमेरिकेची खिल्ली, कराराचेही केले खंडन
सौदी अरेबियाला माहित आहे की, जर लेबनॉनमधील युद्ध थांबले नाही, तर इराण होर्मुझच्या सामुद्रधुनीतील नाकेबंदी अधिक कडक करेल, ज्यामुळे जगाचा तेल पुरवठा धोक्यात येईल. प्रादेशिक स्थिरतेसाठी आणि जागतिक ऊर्जा बाजारपेठ सावरण्यासाठी लेबनॉनमध्ये शांतता असणे अनिवार्य आहे. याच रणनीतीचा भाग म्हणून सौदीचे परराष्ट्र मंत्री फैसल बिन फरहान आणि संरक्षण मंत्री खालिद बिन सलमान लवकरच अमेरिकन अधिकाऱ्यांची भेट घेणार आहेत. या बैठकीत इराण-अमेरिका चर्चा निर्णायक टप्प्यावर नेण्यासाठी आराखडा तयार केला जाईल.
Lebanese Prime Minister Nawaf Salam: He welcomes President Trump’s ceasefire announcement, calling it a central Lebanese demand pursued since the first day of the war and a primary objective in their meeting in Washington on Tuesday. He thanked regional and international… pic.twitter.com/IL56mgkVqy — Open Source Intel (@Osint613) April 16, 2026
credit – social media and Twitter
डोनाल्ड ट्रम्प यांनी केवळ शस्त्रसंधीची घोषणा केली नाही, तर त्यांनी पाकिस्तानच्या भूमिकेचेही तोंडभरून कौतुक केले आहे. इराण आणि अमेरिका यांच्यातील ऐतिहासिक शांतता चर्चा पुन्हा एकदा इस्लामाबादमध्ये सुरू होणार असल्याचे संकेत त्यांनी दिले आहेत. पाकिस्तानने ज्या प्रकारे मध्यस्थ म्हणून स्वतःला प्रस्थापित केले आहे, ते पाहून ट्रम्प यांनी या प्रक्रियेत अमेरिकेची भागीदारी अधिक मजबूत करण्याचा मानस व्यक्त केला आहे. इस्लामाबादमधील ही चर्चा केवळ आखाती देशांसाठीच नव्हे, तर संपूर्ण जगाच्या शांततेसाठी दिशादर्शक ठरू शकते.
जागतिक घडामोडी संबंधित बातम्या वाचण्यासाठी येथे क्लिक करा : War Update : एक मत अन् ठरलं जगाचं भवितव्य! रिपब्लिकनचा डेमोक्रॅट्सवर प्रहार; इराण युद्धावरून अमेरिका दोन भागात विभागली
शस्त्रसंधीची घोषणा झाली असली, तरी जमिनीवर अजूनही तणाव कायम आहे. भूतकाळात अनेकदा अशा करारांचे उल्लंघन झाले आहे, त्यामुळे हे १० दिवस टिकणार का, हा मोठा प्रश्न आहे. मात्र, यावेळी सौदी अरेबिया स्वतः गॅरेंटर म्हणून समोर आल्यामुळे या शांततेत तथ्य असल्याचे तज्ज्ञांचे मत आहे. इस्रायल आता लेबनॉनमधून पूर्णपणे मागे हटणार की हा केवळ चर्चेसाठी घेतलेला तात्पुरता विराम आहे, याकडे संपूर्ण जगाचे लक्ष लागले आहे.
Ans: या शस्त्रसंधीमागे सौदी अरेबियाचे युवराज मोहम्मद बिन सलमान (MBS) यांची प्रमुख भूमिका आहे, ज्यांनी अमेरिकेवर दबाव आणून इस्रायलला युद्धविरामासाठी राजी केले.
Ans: डोनाल्ड ट्रम्प यांनी लेबनॉनमध्ये १० दिवसांच्या तात्पुरत्या शस्त्रसंधीची घोषणा केली आहे.
Ans: अमेरिका आणि इराणमधील शांतता चर्चेची पुढील फेरी पाकिस्तानची राजधानी इस्लामाबाद येथे आयोजित केली जाणार आहे.
