मंगळवार, 20 ऑक्टोबर 2026
Trump vs Pope Leo XIV: एका बाजूला संविधाना, तर दुसरीकडे बायबलचे नियम; अमेरिका आणि व्हॅटिकनमध्ये ऐतिहासिक 'कोल्ड वॉर' ( फोटो सौजन्य : सोशल मीडिया )
Trump vs Pope Leo XIV conflict 2026 : एप्रिल २०२६ मध्ये जागतिक राजकारणात एक अतिशय दुर्मिळ पण धक्कादायक चित्र पाहायला मिळाले. जगातील सर्वात सामर्थ्यवान ख्रिश्चन राष्ट्राचे प्रमुख डोनाल्ड ट्रम्प (Donald Trump) आणि कॅथोलिक ख्रिश्चनांचे सर्वोच्च धर्मगुरू पोप लिओ( चौदावे यांच्यात उघडपणे वाकयुद्ध सुरू झाले आहे. स्वतःला ख्रिश्चन मानणारे आणि कॅथोलिक मतदारांच्या जोरावर सत्तेत आलेले ट्रम्प, एका अमेरिकन वंशाच्या पोपशी का भिडले आहेत? हा केवळ दोन व्यक्तींमधील वाद नसून, तो ‘स्टेट’ (राज्य) आणि ‘चर्च’ (धमसंस्था) यांच्यातील शतकानुशतके चालत आलेल्या संघर्षाचा नवीन अध्याय आहे.
या वादाची ठिणगी जानेवारी २०२६ मध्ये पडली, जेव्हा ट्रम्प प्रशासनाने व्हेनेझुएलामध्ये सत्तापालट केला. मात्र, खरा भडका एप्रिलमध्ये उडाला, जेव्हा अमेरिका आणि इस्रायलने इराणवर लष्करी हल्ले चढवले. पोप लिओ चौदावे यांनी या युद्धाचा तीव्र निषेध करत “युद्धखोरांच्या प्रार्थना देव ऐकत नाही” असे स्पष्टपणे सुनावले. ट्रम्प यांनी याला आपल्या परराष्ट्र धोरणावर आणि ‘अमेरिका फर्स्ट’ या धोरणावरील हल्ला मानले. त्यांनी तर एका पावलापुढे जाऊन पोप यांच्या कामाला “गुन्हा” असे संबोधले. इतकेच नाही तर, स्वतःची तुलना येशू ख्रिस्ताशी करणारी एआय प्रतिमा पोस्ट करून त्यांनी खळबळ उडवून दिली.
जागतिक घडामोडी संबंधित बातम्या वाचण्यासाठी येथे क्लिक करा : Amir Hamza : ‘यमदूत आला अन् गेम करून गेला’, हाफिज सईदचा ‘उजवा हात’ लाहोरमध्ये रक्ताच्या थारोळ्यात, भारताच्या शत्रूचा गेम ओव्हर
अमेरिकन राष्ट्राध्यक्ष आणि पोप यांच्यातील संघर्षाची ही पहिलीच वेळ नाही. १९१९ मध्ये वुड्रो विल्सन जेव्हा व्हॅटिकनमध्ये गेले, तेव्हा त्यांनी पोपचा आशीर्वाद घेताना गुडघे टेकण्यास नकार दिला होता, तिथूनच हा “अस्वस्थ करणारा प्रवास” सुरू झाला. पुढे १९५१ मध्ये हॅरी ट्रुमन यांनी व्हॅटिकनमध्ये राजदूत नेमण्याचा प्रयत्न केला, तेव्हा अमेरिकेतील प्रोटेस्टंट समुदायाने त्याला विरोध केला. १९९३ मध्ये बिल क्लिंटन आणि पोप जॉन पॉल दुसरे यांच्यात गर्भपाताच्या मुद्द्यावरून उघड मतभेद झाले होते. जॉर्ज डब्ल्यू. बुश यांच्या इराक युद्धालाही तत्कालीन पोप यांनी कडाडून विरोध केला होता.
#NSTcolumnists US President Donald Trump has feuded with Pope Leo XIV over the Iran war – setting off an unholy row that could have serious political implications for the Republican leader at home.https://t.co/pnLNH0rbuk pic.twitter.com/NjqbGhR34J — New Straits Times (@NST_Online) April 14, 2026
credit – social media and Twitter
अमेरिकेत २१ कोटींहून अधिक ख्रिश्चन आहेत, तरीही अमेरिकेचे सरकार चर्चच्या आदेशावर चालत नाही. याचे मुख्य कारण अमेरिकेच्या संविधानातील पहिली दुरुस्ती आहे. थॉमस जेफरसन यांनी म्हटल्याप्रमाणे, अमेरिका हे ‘धर्मनिरपेक्ष’ राज्य आहे, जिथे धर्म आणि सरकार यांच्यात एक भक्कम भिंत आहे. अमेरिकेचे संस्थापक पित्यांनी ही काळजी घेतली होती की, युरोपप्रमाणे इथे धर्माच्या नावाने हुकूमशाही गाजवली जाणार नाही. राष्ट्राध्यक्ष संविधानाची शपथ घेतात, बायबलची नाही. त्यामुळेच जेव्हा राष्ट्रीय हित आणि धार्मिक नैतिकता समोरासमोर येतात, तेव्हा राष्ट्राध्यक्ष संविधानाला आणि देशाला प्राधान्य देतात.
जागतिक घडामोडी संबंधित बातम्या वाचण्यासाठी येथे क्लिक करा : Global Crisis: ‘इराणी युरेनियमच कारण!’ ऊर्जा युद्धात रशिया छुपा योद्धा; दिमित्री म्हटले, ‘ट्रम्पना डावलून पुतिन भारतासाठी…’
परराष्ट्र व्यवहार तज्ज्ञ प्रसेनजित बिस्वास यांच्या मते, हा संघर्ष नैतिक मार्गदर्शन (पोप) आणि राजकीय जबाबदारी (ट्रम्प) यांच्यातील आहे. पोप शांततेचा संदेश देत राहतील, तर ट्रम्प सुरक्षेच्या मुद्द्यावर तडजोड करणार नाहीत. इटलीच्या पंतप्रधान जॉर्जियो मेलोनी यांनी ट्रम्प यांची भाषा अमान्य असल्याचे म्हटले आहे. व्हॅटिकन आणि व्हाईट हाऊस या दोन्ही सत्ताकेंद्रांमधील हा हट्टीपणा जागतिक राजकारणावर काय परिणाम करतो, हे पाहणे महत्त्वाचे ठरेल.
Ans: इराण विरुद्ध अमेरिका-इस्रायलची लष्करी मोहीम आणि व्हेनेझुएलातील सत्तापालट यावरून पोप यांनी युद्धाचा निषेध केल्यामुळे हा वाद निर्माण झाला आहे.
Ans: अमेरिकेच्या संविधानातील पहिली दुरुस्ती धर्म आणि राज्य यांच्यात स्पष्ट भिंत निर्माण करते, ज्यामुळे सरकार कोणत्याही धर्माला राजधर्म मानू शकत नाही.
Ans: वुड्रो विल्सन, बिल क्लिंटन (गर्भपात), जॉर्ज डब्ल्यू. बुश (इराक युद्ध) आणि बराक ओबामा यांचे पोपशी महत्त्वाच्या धोरणात्मक मुद्द्यांवरून मतभेद झाले होते.
