शनिवार, 17 ऑक्टोबर 2026
Trump यांनी स्वतःला 'येशू ख्रिस्ताचा अवतार' म्हणून केलं घोषित; पोप लिओबद्दलही वादग्रस्त व्यक्त, जगात खळबळ (फोटो सौजन्य: सोशल मीडिया)
काही दिवसांपूर्वीच पोप लिओ यांनी ट्रम्प यांच्या इमिग्रेशन आणि परराष्ट्र धोरणावर टीका केली होती. त्यांनी अमेरिकेच्या इराणवरील लष्करी कारवाईला तीव्र विरोध केला होता. ट्रम्प इराणची संस्कृती नष्ट करण्याची धमकी दिली होती, ज्याला पोप लिओ यांनी अस्वीकार्य मानले होते. तसेच त्यांनी इमिग्रेशन धोरणांमुळे स्थलांतरितांना होणाऱ्या त्रासावर चिंता व्यक्त केली होती.
ट्रम्प यांनी त्यांच्या धोरणावर विचार करण्याची गरज असल्याचे म्हटले होते. त्यांनी ट्रम्प यांच्या आक्रमक परराष्ट्र धोरणांना ख्रिश्चन मूल्यांच्या विरोधात असल्याचे म्हणत शांततेचे आवाहन केले होते. यावर प्रत्युत्तर देताना ट्रम्प यांनी पोप यांना अतिशय उदारमतवादी, गुन्हेगारीबाबत मवाळ म्हटले आहे. पोप लिओ गुन्हेगारी रोखण्यात अयशस्वी ठरले असून ते अमेरिकेच्या परराष्ट्र धोरणांसाठी घातक असल्याचेही ट्रम्प यांनी म्हटले.
त्यांनी पोप यांना राजकारण न बनता धर्माकडे लक्ष देण्याचा आणि चांगले पोप बनण्याचा प्रयत्न करावा असे सांगितले. ट्रम्प यांनी पोप लिओ अमेरिकेत जन्मले असल्याने धर्मगुरु बनले असून त्यांचे विचार अत्यंत लिबरल आणि कट्टरपंथी आहे असा आरोपही केला. त्यांनी पोप लिओ यांच्या भावाचे लुईस यांचे कौतुक केले. लुईस हे ट्रम्प यांच्या मेक द अमेरिका ग्रेट अगेन धोरणाचे कट्टर समर्थक मानले जातात.
सोशल मीडियावर वादग्रस्त एआय फोटो
याच वेळी ट्रम्प यांनी सोशल मीडियावर एक वादग्रस्त फोटोही शेअर केला आहे. या फोटोमध्ये ट्रम्प ईसा मसीहाच्या रुपात असून एका आजारी व्यक्तीला आशीर्वाद देताना दिसत आहेत. यामध्ये बॅकग्राऊंडला अमेरिकेचा धव्ज, देवदूतांच्या रुपात उडणारे अमेरिकन सैन्य, लढाऊ विमाने दाखवण्यात आली आहेत. यातून ट्रम्प यांनी स्वत:ला शक्तिशाली तारणहार म्हणून दाखवण्याचा प्रयत्न केला आहे. सध्या या फोटोमुळे मोठा वाद पेटला आहे.
इराणशी संघर्षादरम्यान ट्रम्प यांनी शेअर केलेल्या या पोस्टमुळे विविध तर्कवितर्क लावले जात आहे. स्वत:ला देवाचा अवतार घोषित करणे, ख्रिस्ती धर्मगुरुंवर टीका यामुळे अमेरिकेच्या राजकारणात मोठे वादळ येण्याची शक्यता आहे.
Ans: ट्रम्प यांनी स्वताची तुलना येथू ख्रिस्ताशी केली आहे
Ans: ट्रम्प यांनी सोशल मीडियावर वादग्रस्त फोटो शेअर केला आहे, ट्रम्प ईसा मसीहाच्या रुपात असून एका आजारी व्यक्तीला आशीर्वाद देताना दिसत आहेत. यामध्ये बॅकग्राऊंडला अमेरिकेचा धव्ज, देवदूतांच्या रुपात उडणारे अमेरिकन सैन्य, लढाऊ विमाने दाखवण्यात आली आहेत.
Ans: ट्रम्प यांनी पोप लिओ यांनी अतिशय उदारमतवादी, गुन्हेगारीबाबत मवाळ असल्याचे म्हटले. तसेच लिओ अमेरिकन असल्यामुळे पोप बनले असून त्यांनी राजकारणी न बनता धर्माकडे लक्ष देण्याचा सल्ला दिला. याशिवाय त्यांचा भाउ सुईस यांचे कौतुक केले.
Ans: पोप लिओ यांनी ट्रम्प यांच्या इमिग्रेशन आणि परराष्ट्र धोरमावर टिका केली होती, ज्यामुळे वाद निर्माण झाला आहे.
