‘ही’ इलेक्ट्रिक स्कूटर अपघात होण्याअगोदरच करते सावध, जाणून घ्या सर्वात सुरक्षित स्कूटरबद्दल

रस्त्यावर कोणतेही वाहन चालवताना लक्ष देणे फार आवश्यक असते. त्यामुळेच अनेक कंपनीज आपल्या वाहनांमध्ये सेफ्टी फीचर्स देत असतात. आता स्कूटर चालवताना लोकांच्या सुरक्षिततेत आणखी सुधारणा करण्यासाठी, EV मध्ये एक नवीन सेफ्टी फीचर समाविष्ट करण्यात आला आहे.

सध्या देशात पेट्रोल आणि डिझेलच्या किंमतीत सातत्याने वाढ होत आहे. यामुळेच अनेक ग्राहक सध्या इलेक्ट्रिक वाहनांना पाहिले प्राधान्य देताना दिसत आहे. येणारा काळ हा इलेक्ट्रिक वाहनांचा असल्यामुळे अनेक वाहन उत्पादक कंपनीज आगामी काळात इलेक्ट्रिक व्हेईकल्स लाँच करण्याच्या तयारीत आहे.

आधी फक्त आपल्याला इलेक्ट्रिक कार्स लाँच होताना दिसत होत्या परंतु आता इलेक्ट्रिक बाईक आणि स्कूटर्स सुद्धा लाँच होत आहे. या नवीन इलेक्ट्रिक स्कूटर्समध्ये सेफ्टी फीचर्स कडे सुद्धा लक्ष दिले जात आहे.

सध्या अपघाताचे प्रमाण सुद्धा वाढताना दिसत आहे.  या अपघातांची संख्या कमी करण्यासाठी, वाहन निर्माते त्यांच्या वाहनांमध्ये सतत नवीन सेफ्टी फीचर्स  आणत असतात, जेणेकरून लोकांना अतिरिक्त सुरक्षिततेची हमी दिली जाऊ शकेल. Ather या इलेक्ट्रिक स्कूटर बनवणाऱ्या कंपनीने नुकतेच नवीन सेफ्टी फीचर आपल्या स्कूटर मध्ये समाविष्ट केले आहे. Ather Rizta Electric Scooter असे या स्कुटरचे नाव आहे.

इलेक्ट्रिक स्कूटरमध्ये आला नवीन फीचर

एथर एनर्जीने आपल्या स्कूटरमध्ये अत्याधुनिक सेफ्टी फीचर्स समाविष्ट केले आहे, जे स्कूटरला निसरड्या रस्त्यावर पडण्यापासून वाचवू शकते. यासाठी इलेक्ट्रिक स्कूटर निर्मात्याने वाहनात ARAS (Advanced Rider Assistance System) बसवले आहे. स्कूटरमधील ही नवीन सिस्टीम रायडरची सुरक्षा अधिक वाढवणारी आहे.

हे ARAS फीचर आहे काय?

Ather म्हणतात की ARAS मध्ये स्किड कंट्रोल आणि फॉल सेफ फीचर्सचा समावेश करण्यात आला आहे. त्याच्या स्किड कंट्रोल फीचरबद्दल सांगायचे तर, यामध्ये ट्रॅक्शन कंट्रोल बसवण्यात आले आहे जे मोटरला दिलेला टॉर्क नियंत्रित करते. हे वैशिष्ट्य स्कूटरचा वेग आपोआप ट्रॅक करेल आणि कमी करेल जेव्हा चाकाचे कर्षण गमावले आहे. रस्त्यासोबत चाकाचा तोल गेला तर स्कूटरचा वेग आपोआप कमी होईल.

हे फीचर लोकांना ज्या ठिकाणी जास्त निसरडे भाग आहेत, जसे की रस्त्यावरील पूरग्रस्त भागात, खडकाळ रस्त्यावर किंवा वाळूवर असलेल्या ठिकाणी मदत करू शकते. कंपनीने सांगितल्याप्रमाणे, या वर्षाच्या सुरुवातीलाच स्कूटरमध्ये या नवीन सेफ्टी फीचरची चाचणी घेण्यात आली आहे.

Fall Safe फीचर कसा करेल काम?

त्याच वेळी, फॉल सेफ फीचर  देखील लोकांसाठी खूप उपयुक्त ठरू शकते. या फीचरद्वारे, स्कूटरला वाहन घसरणार असल्याचे समजताच, हे फीचर काम करते  आणि चाकांची शक्ती परत घेते. यामुळे वाहन लांब अंतरापर्यंत घासण्यापसून वाचले जाऊ शकते.