एका चार्जमध्ये थेट ४००+ किमी! Komaki SE च्या बरोबर लांबच्या प्रवासासाठी सगळ्यात बेस्ट ठरणाऱ्या या आहेत ३ इलेक्ट्रिक स्कूटर्स

भारतीय ऑटो बाजारात आता २०० किलोमीटरपेक्षा जास्त रेंज देणाऱ्या इलेक्ट्रिक स्कूटर्स धुमाकूळ घालत असून ग्राहकांच्या प्रवासाची व्याख्या बदलत आहे. या वाहनांमधील कागदावरील दावे आणि रस्त्यावरील प्रत्यक्ष कामगिरी यांमधील फरक नेमका कसा ठरतो,पाहूयात.

(फोटो सौजन्य-AI एआय)

Follow Us:

Follow Us:

• २०० किमीपेक्षा जास्त रेंज देणाऱ्या स्कूटर्समुळे वारंवार चार्जिंगची कटकट संपून रोजचा प्रवास अत्यंत सोपा होतो.
• कोमाकीच्या SE, XR7 आणि MX16 Pro मॉडेल्समध्ये ४०० किमीपर्यंतच्या रेंजसह आधुनिक फीचर्स मिळतात.
• कंपनीचा दावा आणि प्रत्यक्ष रस्त्यावरील रेंज यातील फरक रायडिंग मोड आणि वजनावर अवलंबून असतो.

भारतात टू-व्हीलर मार्केटमध्ये इलेक्ट्रिक वाहनांची मागणी मोठ्या वेगाने वाढत आहे. पूर्वी ग्राहक ई-स्कूटर घेताना फक्त शहरांतर्गत वापराचा विचार करायचे, पण आता 200 किमीपेक्षा जास्त रेंज देणाऱ्या मॉडेल्समुळे इलेक्ट्रिक स्कूटर लांबच्या प्रवासासाठीही एक उत्तम पर्याय बनल्या आहेत.

200+ किमी रेंज असणाऱ्या ई-स्कूटर्स का महत्त्वाच्या आहेत?

लांब पल्ल्याची रेंज देणाऱ्या स्कूटर्समुळे वारंवार चार्जिंग करण्याची कटकट पूर्णपणे संपते. दररोज 30 ते 40 किमी प्रवास करणाऱ्या चालकांना आठवड्यातून फक्त एकदाच गाडी चार्ज करावी लागते. यामुळे “रेंज अँझायटी” (बॅटरी संपण्याची भीती) दूर होते आणि पेट्रोलच्या वाढत्या खर्चापासून मोठी मुक्ती मिळते.

TVS iQube च्या बेस व्हेरियंटमध्ये आता मोठी बॅटरी; रेंज पहिल्यापेक्षा वाढली

प्रमुख 200+ किमी रेंज स्कूटर्सची वैशिष्ट्ये

• कोमाकी एसई (Komaki SE Ultra): या मॉडेलमध्ये सर्वाधिक 418 किमी रेंजचा दावा केला जातो. यात 3000W ची Hub मोटर, LiFePO4 बॅटरी, स्मार्ट डिजिटल डॅशबोर्ड, रिव्हर्स असिस्ट आणि 50 लिटरची मोठी बूट स्पेस यांसारख्या आधुनिक सुविधा मिळतात.
• कोमाकी एक्सआर7 (Komaki XR7): हे मॉडेल 322 किमी रेंजसह येते. यामध्ये 55+ किमी/तास स्पीड, डायमंड-कट एलईडी हेडलाईट, ऑटो रिपेअर स्विच, पार्किंग असिस्ट आणि डिस्क ब्रेक यांसारखे फीचर्स उपलब्ध आहेत.
• कोमाकी एमएक्स 16 प्रो (Komaki MX16 Pro): ही क्रूझर स्टाईल ई-बाईक 160 ते 220 किमी ची व्यावहारिक रेंज देते. यात 5kW मोटर, 4.5kWh बॅटरी पॅक, ट्रिपल डिस्क ब्रेक आणि 80 किमी/तासचा टॉप स्पीड मिळतो.

दावा केलेली रेंज VS खरी शक्य रेंज

कंपनीने सांगितलेली आयडीसी रेंज ही प्रयोगशाळेतील तपासलेली असते. रस्त्यावर प्रत्यक्ष गाड्या चालवताना रेंज थोडी कमीच मिळते.

वास्तविक रेंजवर परिणाम करणारे घटक,

• रस्त्यांची स्थिती: चढ-उताराचे रस्ते आणि खड्डे यामुळे बॅटरी जास्त वापरली जाते.
• रायडरचे वजन व पिलियन: गाडीवर जास्त वजन असल्यास रेंज कमी होते.
• रायडिंग मोड: इको मोडमध्ये जास्त रेंज मिळते, तर स्पोर्ट किंवा टर्बो मोडमध्ये पॉवर जास्त लागल्याने रेंज घटते.
• इतर इलेक्ट्रॉनिक घटकांचा वापर: सतत हेडलाईट, डिस्प्ले, आणि ब्लूटूथ कनेक्टिव्हिटीचा वापर केल्यास बॅटरी वापरावर सूक्ष्म परिणाम होतो.

Web Title: Best 200 plus km range ev scooters in india auto news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com