शुक्रवार, 16 ऑक्टोबर 2026
फोटो सौजन्य: Pinterest
किआने भारतीय वाहन बाजारात विविध सेगमेंटमध्ये वाहनांची विक्री केली आहे. कंपनी कडून ‘कॉम्पॅक्ट SUV’ सेगमेंटमध्ये Kia Sonet हे मॉडेल उपलब्ध करून दिले जाते. प्रसारमाध्यमांतील वृत्तांनुसार, कंपनी या SUV चे नवीन जनरेशन मॉडेल बाजारात आणण्याच्या तयारीत आहे. या मॉडेलमध्ये कोणत्या प्रकारचे बदल अपेक्षित आहेत? तसेच, हे मॉडेल भारतात नक्की कधीपर्यंत लाँच केले जाण्याची शक्यता आहे? या सर्व तपशीलांचा आढावा आपण या बातमीतून घेऊयात.
प्रसारमाध्यमांतील वृत्तांनुसार, ‘किआ’ने आपली कॉम्पॅक्ट SUV असलेल्या ‘किया सोनेट’च्या नवीन जनरेशनचे मॉडेल भारतात लाँच करण्याच्या तयारीला सुरुवात केली आहे. मात्र, या घडामोडीबाबत कंपनीने अद्याप कोणतीही अधिकृत माहिती जाहीर केलेली नाही.
सध्याच्या सोनेटच्या तुलनेत नव्या जनरेशनमध्ये अनेक मोठे बदल अपेक्षित आहेत. ही SUV किआच्या Syros प्लॅटफॉर्मवर आधारित असू शकते, ज्यामुळे सध्याच्या मॉडेलपेक्षा अधिक प्रशस्त केबिन मिळण्याची शक्यता आहे. याशिवाय, नव्या फीचर्सची भर घालण्यात येऊ शकते आणि Level-2 ADAS सारखी प्रगत सेफ्टी फीचर्सही देण्यात येण्याची शक्यता आहे.
मिळालेल्या माहितीनुसार, नव्या जनरेशनमध्ये मुख्यतः डिझाइन आणि फीचर्समध्ये बदल होण्याची शक्यता आहे. इंजिन मात्र सध्याच्या मॉडेलप्रमाणेच ठेवले जाऊ शकते. यात 1.2 लिटर टर्बो पेट्रोल आणि 1.5 लिटर टर्बो डिझेल इंजिनचे पर्याय मिळू शकतात. यासोबत मॅन्युअल आणि ऑटोमॅटिक ट्रान्समिशनचे पर्यायही उपलब्ध असतील.
कंपनीकडून अद्याप अधिकृतपणे लाँचबाबत कोणतीही माहिती देण्यात आलेली नाही. मात्र, अंदाजानुसार ही SUV भारतात 2027 च्या सुरुवातीला लॉन्च होऊ शकते.
किआ सोनेट ही कॉम्पॅक्ट SUV सेगमेंटमध्ये येते. या सेगमेंटमध्ये तिचा थेट सामना Maruti Brezza, Hyundai Venue, Kia Syros, Nissan Magnite, Skoda Kylaq आणि Mahindra XUV 3XO यांसारख्या SUV सोबत होतो.
