Nissan Motor India ने महाराष्ट्रातील आपले नेटवर्क आणखी मजबूत करत Pune येथे अत्याधुनिक 3S (Sales, Service, Spare Parts) सुविधेचे उद्घाटन केले आहे. ‘सिल्व्हर ज्युबिली निसान’ नावाच्या या नव्या केंद्रामुळे ग्राहकांना विक्री, सेवा आणि सुटे भाग या सर्व सुविधा एकाच ठिकाणी मिळणार आहेत.
या नव्या सुविधेत सुमारे 7000 चौ. फुटांचे आधुनिक शोरूम असून येथे एकावेळी 10 गाड्यांचे प्रदर्शन करता येते. तसेच 9000 चौ. फुटांचे अत्याधुनिक सर्व्हिस वर्कशॉप देखील तयार करण्यात आले आहे. कंपनीच्या जागतिक रिटेल मानकांनुसार विकसित करण्यात आलेल्या या केंद्रात प्रशिक्षित कर्मचारी आणि आधुनिक उपकरणांच्या मदतीने ग्राहकांना उत्कृष्ट सेवा देण्यावर भर देण्यात आला आहे.
जगातील सर्वात लांब कार पाहिलीत का? 100 फूट लांब, हेलिपॅड आणि स्विमिंग पूलसह 75 लोक बसतील एवढी जागा
या विस्तारामुळे महाराष्ट्रातील निसानचे नेटवर्क 23 टचपॉइंट्सपर्यंत पोहोचले आहे. त्यामुळे ग्राहकांना अधिक सुलभ सेवा, जलद प्रतिसाद आणि दर्जेदार आफ्टर-सेल्स सपोर्ट मिळणार आहे. वाढत्या मागणीला प्रतिसाद देण्यासाठी कंपनीकडून हा विस्तार करण्यात आला आहे.
यावेळी बोलताना निसान मोटर इंडियाचे व्यवस्थापकीय संचालक Saurabh Vatsa म्हणाले, “पुण्यातील या नव्या 3S सुविधेमुळे महाराष्ट्रातील आमची उपस्थिती अधिक भक्कम झाली आहे. ग्राहकांच्या गरजा लक्षात घेऊन आम्ही सतत नेटवर्क विस्तारावर भर देत आहोत. यामुळे वाहन खरेदीचा आणि सेवांचा अनुभव अधिक सोयीस्कर होईल.”
सिल्व्हर ज्युबिली निसानच्या मुख्य वितरक Rajvardhini Jagtap यांनीही सांगितले की, “निसानच्या ग्राहककेंद्री दृष्टिकोनामुळे आम्ही पुणे आणि आसपासच्या भागातील ग्राहकांना जागतिक दर्जाचा अनुभव देण्यासाठी कटिबद्ध आहोत.”
दरम्यान, Nissan Magnite च्या यशानंतर कंपनीने Nissan Gravite सादर करत भारतीय बाजारपेठेत आपली पकड मजबूत केली आहे. निसान मोटर इंडिया सध्या देशांतर्गत बाजारासह 65 हून अधिक आंतरराष्ट्रीय बाजारपेठांमध्ये कार्यरत असून भारतातील आघाडीच्या वाहन निर्यातदारांपैकी एक म्हणून ओळखली जाते.
ग्राहकांना अधिक मूल्य आणि उत्तम सेवा देण्यासाठी निसानकडून भविष्यातही अशा विस्तार उपक्रमांना गती दिली जाणार असल्याचे संकेत कंपनीने दिले आहेत.
