Adventures Bikes: बिग अ‍ॅडव्हेंचर बाईक्सचा धमाका! EICMA 2026 मध्ये होणार दोन मोठ्या अ‍ॅडव्हेंचर बाईक्सचे ग्रँड डेब्यू!

इटलीतील 'EICMA 2026' या भव्य ऑटो शोमध्ये दोन भारतीय दिग्गज कंपन्या आपल्या सर्वात मोठ्या अ‍ॅडव्हेंचर बाईक्सचे जागतिक स्तरावर अनावरण करणार आहेत. अद्ययावत फीचर्स आणि शक्तिशाली इंजिनसह येणाऱ्या या बाईक्स भारतीय ऑटो बाजाराचे समीकरण बदलणार.

Follow Us:

Follow Us:

• रॉयल एनफिल्डची बहुप्रतिक्षित हिमालयन ७५० नोव्हेंबरमध्ये EICMA 2026 मध्ये जगासमोर अधिकृतपणे लाँच केली जाणार आहे.
• हीरो मोटोकॉर्पची लिक्विड-कूल्ड इंजिन असलेली बहुप्रतिक्षित एक्सपल्स ४२१ लडाखमध्ये चाचणीदरम्यान नुकतीच स्पॉट झाली आहे.
• दोन्ही अ‍ॅडव्हेंचर बाईक्समध्ये प्रगत सस्पेंशन, आधुनिक इलेक्ट्रॉनिक रायडर एड्स आणि दमदार परफॉर्मन्स इंजिन मिळणार आहे.

Big ADV Bikes Debut: भारतीय ऑटोमोबाईल क्षेत्रात अ‍ॅडव्हेंचर मोटरसायकल सेगमेंटची मागणी वेगाने वाढत आहे. लांबचा प्रवास, खडतर रस्ते आणि भरपूर सामान वाहून नेण्याची क्षमता यामुळे ग्राहक आता नेहमीच्या क्रूझर किंवा रोडस्टर बाईक्सऐवजी अ‍ॅडव्हेंचर बाईक्सकडे वळत आहेत. हीच वाढती क्रेझ पाहून दिग्गज कंपन्या आपल्या मोठ्या इंजिन असलेल्या नव्या बाईक्स बाजारात आणण्याच्या तयारीत आहेत. ५ ते ८ नोव्हेंबर दरम्यान इटलीमध्ये होणाऱ्या ‘EICMA 2026’ मध्ये दोन धमाकेदार अ‍ॅडव्हेंचर बाईक्सचा वर्ल्ड प्रीमियर होणार आहे.

Budget Friendly Cruiser Bikes: खिशाला परवडणाऱ्या किंमतीत लक्झरी रायडिंगचा अनुभव देणाऱ्या ६ क्रूझर बाईक्स! पाहून घ्या कोणत्या

१. Royal Enfield Himalayan 750

रॉयल एनफिल्डच्या या बहुप्रतिक्षित ट्विन-सिलेंडर अ‍ॅडव्हेंचर बाईकचा EICMA 2026 मध्ये अधिकृत प्रीमियर होणार आहे.

• परफॉर्मन्स आणि इंजिन: या बाईकमध्ये कंपनीचे नवीन ७५०cc पॅरॅलल-ट्विन इंजिन वापरले जाणार असून, ते सुमारे ५५ ते ६० bhp ची पॉवर जनरेट करेल.
• डिझाइन आणि फीचर्स: या बाईकमध्ये गोल LED हेडलॅम्प, १९-इंच फ्रंट आणि १७-इंच रिअर वायर-स्पोक व्हील्स, नक्कल गार्ड्स, उंच विंडस्क्रीन आणि अपस्विप्ट एक्झॉस्ट पाहायला मिळेल.
• अ‍ॅडव्हान्स तंत्रज्ञान: यात ट्युबलेस टायर्स, अ‍ॅडजस्टेबल USD फ्रंट फोर्क्स, ट्रॅक्शन कंट्रोल, क्रूझ कंट्रोल, रायडिंग मोड्स, ड्युअल-चॅनेल ABS, ट्रिपर नॅव्हिगेशनसह गोल TFT डिस्प्ले, ब्लूटूथ कनेक्टिव्हिटी आणि मॅप मिररिंग यांसारखे फीचर्स मिळतील.

२. Hero Xpulse 421

हीरो मोटोकॉर्पची आतापर्यंतची सर्वात मोठी अ‍ॅडव्हेंचर बाईक ‘Xpulse 421’ नुकतीच लडाखमध्ये टेस्ट ड्राईव्हदरम्यान दिसून आली आहे.

• फ्रेम आणि सस्पेंशन: या बाईकमध्ये स्टील ट्रेलीस फ्रेम दिसेल, ज्याला जास्त ट्रॅव्हल असलेले USD फ्रंट फोर्क्स आणि रिअर मोनोशॉक सस्पेंशन जोडले गेले आहे.
• टायर्स आणि डिझाइन: ऑफ-रोडिंगसाठी ही बाईक २१-इंच फ्रंट आणि १८-इंच रिअर व्हील्ससह येईल, ज्यावर ड्युअल-पर्पज टायर्स बसवले असतील.
• नवे इंजिन: EICMA 2024 मध्ये या बाईकची पहिली झलक दाखवल्यानंतर आता लडाखमधील चाचणीमुळे हा प्रोजेक्ट पुन्हा जोरात सुरू झाल्याचे स्पष्ट झाले आहे. EICMA 2026 मध्ये हीरो आपल्या या नव्या लिक्विड-कूल्ड इंजिन बाईकला सादर होऊ शकतात.

Web Title: Royal enfield hero big adventure bikes eicma 2026 debut

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com