सोमवार, 19 ऑक्टोबर 2026
Atal Pension Yojana (फोटो सौजन्य- सोशलमीडिया)
या योजनेत तुम्ही वयाच्या 40 व्या वर्षी जरी पैसे भरायला सुरुवात केली तरी चालतं. दरमहा फक्त 1164 रुपये भरले की वयाच्या 60 वर्षानंतर तुम्हाला दरमहा 4000 रुपये कायमचे मिळणार. Atal Pension Yojana:
PFRDA म्हणजे पेन्शन फंड रेग्युलेटरी अथॉरिटीने दिलेल्या माहितीनुसार ही एकदम सुरक्षित योजना आहे. यात तुम्हाला आधीच ठरवायचं आहे की तुम्हाला म्हातारपणी किती पेन्शन हवी आहे. हजारापासून ते पाच हजारपर्यंत पर्याय आहेत. तुम्ही जास्त पेन्शन मागितली तर तुमचा महिन्याचा हप्ता पण जास्त असेल.
PIB च्या रिपोर्टनुसार, जर एखादा माणूस वयाच्या 40 व्या वर्षी या योजनेत आला, तर त्याला पुढची 20 वर्षे पैसे भरावे लागतात. म्हणजे 40 ते 60 पर्यंत.तुम्हाला जर 4000 रुपये पेन्शन हवी असेल तर तुम्हाला दरमहा 1164 रुपये भरावे लागतील. वर्षाला झाले 13,968 रुपये. असे 20 वर्षे भरले तर एकूण 2,79,360 रुपये तुम्ही भरता.आणि 60 वर्षे पूर्ण झाली की तुम्हाला दरमहा 4000 रुपये मिळायला सुरुवात होते. म्हणजे वर्षाला 48,000 रुपये. हे पैसे आयुष्यभर मिळणार.
60 वर्षे झाली की 6.8 लाख रुपये हातात मिळतील असं वाटतं, पण तसं नाही. हा पैसा तुम्हाला मिळत नाही. जेव्हा खातेदार आणि त्याचा जोडीदार दोघांचंही निधन होतं, तेव्हाच हा 6.8 लाखाचा फंड नॉमिनीला म्हणजे मुलांना दिला जातो. आधी तुम्हाला पेन्शन, मग तुमच्या जोडीदाराला पेन्शन आणि शेवटी मुलांना पैसा, असा क्रम आहे.
यासाठी फक्त 3 अटी आहेत. तुम्ही भारतीय नागरिक असला पाहिजे. तुमचं वय 18 ते 40 च्या मध्ये असलं पाहिजे. आणि तुमचं बँकेत किंवा पोस्ट ऑफिसमध्ये खातं असलं पाहिजे.खातं कसं उघडायचं?हे एकदम सोपं आहे. तुमच्या जवळच्या बँकेत किंवा पोस्ट ऑफिसमध्ये जा. तिथे अटल पेन्शन योजनेचा फॉर्म मागा. तो फॉर्म भरा, त्यात तुमची माहिती, बँक खात्याची माहिती आणि नॉमिनी कोण आहे ते लिहा.
एकदा फॉर्म दिला की दरमहा तुमच्या खात्यातून आपोआप हप्ता कट होईल. तुम्हाला सारखं सारखं जावं लागणार नाही. आता तर हे काम ऑनलाईन पण होतं.म्हातारपण सुखात जायचं असेल तर आतापासूनच तयारी केली पाहिजे. दरमहा थोडे थोडे पैसे बाजूला काढून मोठी पेन्शन तयार होते. वयाच्या 40 शी मध्ये असाल तर ही तुमच्यासाठी शेवटची संधी आहे. त्यामुळे उशीर करू नका, आजच तुमच्या बँकेत जाऊन चौकशी करा.
Ans: दरमहा १,००० ते ५,००० रुपयांपर्यंत.
Ans: दरमहा १,१६४ रुपये.
Ans: वयाच्या ४० व्या वर्षी सुरुवात केल्यास २० वर्षे.
