शेअर बाजारात उत्साह, रिलायन्ससह ९ कंपन्यांच्या बाजार मूल्यात प्रचंड वाढ! जाणून घ्या

Market Cap: भारती एअरटेलचे बाजारमूल्य ₹५१,८६०.६५ कोटींनी वाढून ₹११.५६ लाख कोटी झाले. एचडीएफसी बँकेचे बाजारमूल्य ₹३७,३४२.७३ कोटींनी वाढून ₹१५.४४ लाख कोटी झाले. बजाज फायनान्सचे बाजारमूल्य ₹२६,०३७.८८ कोटींनी वाढले.

Market Cap Marathi News: गेल्या आठवड्यात शेअर बाजारातील तेजीचा परिणाम देशातील आघाडीच्या कंपन्यांच्या बाजार भांडवलावर स्पष्टपणे दिसून आला. बीएसईच्या टॉप १० कंपन्यांपैकी ९ कंपन्यांच्या बाजार भांडवलात एकूण ₹२.३४ लाख कोटींपेक्षा जास्त वाढ झाली. या काळात रिलायन्स इंडस्ट्रीजला सर्वाधिक फायदा झाला आणि त्यांचे बाजार भांडवल ₹६९,५५६.९१ कोटींनी वाढून ₹२०.५१ लाख कोटी झाले.

भारती एअरटेलचे बाजारमूल्य ₹५१,८६०.६५ कोटींनी वाढून ₹११.५६ लाख कोटी झाले. एचडीएफसी बँकेचे बाजारमूल्य ₹३७,३४२.७३ कोटींनी वाढून ₹१५.४४ लाख कोटी झाले. त्याचप्रमाणे बजाज फायनान्सचे बाजारमूल्य ₹२६,०३७.८८ कोटींनी वाढून ₹५.८८ लाख कोटी झाले. आयसीआयसीआय बँकेचे बाजारमूल्य ₹२४,६४९.७३ कोटींनी वाढून ₹१०.४३ लाख कोटी झाले.

‘या’ पेनी स्टॉकमध्ये दिसून आली मोठी खरेदी, ९७ टक्क्यांपर्यंत वाढ, १ रुपयांपासून १६ रुपयांपर्यंतचे स्टॉक

भारतीय जीवन विमा महामंडळ (LIC) चे बाजार भांडवल ₹१३,२५०.८७ कोटींनी वाढून ₹६.०५ लाख कोटींवर पोहोचले. स्टेट बँक ऑफ इंडिया (SBI) चे बाजार भांडवल ₹८,३८९.१५ कोटींनी वाढून ₹७.१८ लाख कोटींवर पोहोचले. टाटा कन्सल्टन्सी सर्व्हिसेस (TCS) चे बाजार भांडवल ₹३,१८३.९१ कोटींनी वाढून ₹१२.४५ लाख कोटींवर पोहोचले. हिंदुस्तान युनिलिव्हरचे बाजार भांडवल ₹२९३.७ कोटींनी वाढून ₹५.४१ लाख कोटींवर पोहोचले.

या सर्वांच्या उलट, इन्फोसिस ही एकमेव कंपनी होती जिचे बाजार भांडवल घटले. तिचे बाजार भांडवल ₹५,४९४.८ कोटींनी घसरून ₹६.६८ लाख कोटी झाले. मार्केट कॅपवर आधारित टॉप १० कंपन्यांच्या क्रमवारीत, रिलायन्स इंडस्ट्रीज पहिल्या स्थानावर राहिली. त्यानंतर अनुक्रमे एचडीएफसी बँक, टीसीएस, भारती एअरटेल, आयसीआयसीआय बँक, एसबीआय, इन्फोसिस, एलआयसी, बजाज फायनान्स आणि हिंदुस्तान युनिलिव्हर यांचा क्रमांक लागतो.

इन्फोसिस गुंतवणूकदारांना सर्वाधिक तोटा

सेन्सेक्सच्या टॉप १० कंपन्यांपैकी वर उल्लेख केलेल्या नऊ कंपन्यांनी मोठी वाढ केली असली तरी, त्यापैकी एकमेव आयटी कंपनी असलेल्या इन्फोसिसचे बाजार भांडवल (इन्फोसिस मार्केट कॅप) कमी झाले आहे. गेल्या पाच व्यावसायिक दिवसांत, तिचे बाजार मूल्य ५,४९४.८ कोटी रुपयांनी घसरले आणि ते ६,६८,२५६.२९ कोटी रुपयांवर आले.

अंबानींच्या कंपनीचे वर्चस्व कायम

मुकेश अंबानींची कंपनी रिलायन्स इंडस्ट्रीज मार्केट कॅपच्या बाबतीत देशातील १० सर्वात मोठ्या कंपन्यांमध्ये वर्चस्व गाजवत आहे आणि पहिल्या क्रमांकावर आहे. त्यानंतर अनुक्रमे एचडीएफसी बँक, टीसीएस, भारती एअरटेल, आयसीआयसीआय बँक, एसबीआय, इन्फोसिस, एलआयसी, बजाज फायनान्स आणि हिंदुस्तान युनिलिव्हर लिमिटेड यांचा क्रमांक लागतो.

पुढील आठवड्यात कशी असेल शेअर बाजारातील स्थिती? ‘हे’ घटक करतील प्रभावित