सोमवार, 12 ऑक्टोबर 2026
तंत्रज्ञानाचा वापर करुन बदललं नशीब! ( सौजन्य - Chatgpt )
सध्या छत्तीसगडमधील गौरेला-पेंड्रा-मारवाही जिल्ह्यातील एका शेतकऱ्याची मोठ्या प्रमाणावर चर्चा होत आहे. त्याने पारंपरिक शेतीला सोडून आधुनिकतेचं रुपडं स्वीकारलं आणि आपल्या दोन एकर जमिनीवर टोमॅटोची लागवड सुरू केली. आता मात्र तो लाखो रुपयांचा नफा कमावत आहे. टोमॅटोची लागवड केल्यामुळे त्याची आर्थिक परिस्थितीही बदलली आहे. गौरेला विकास गटातील सराभरा ग्रामपंचायतीचे शेतकरी, शाहिद जामा खान यांनी प्रगत तंत्रज्ञानाचा अवलंब करून टोमॅटोच्या लागवडीतून भरीव आर्थिक परतावा मिळवला आहे. नेमकी कुठून ही स्टोरी सुरु होते?
इतर शेतकऱ्यांप्रमाणे शाहिद जामा खान सगळ्या परिस्थितीला कंटाळले होते. पण त्यांनी पारंपारिक शेतीवर न राहता नव्या तंत्रज्ञानाला आत्मसाद केलं. अंदाजे २ एकरांवर टोमॅटोची लागवड करून आतापर्यंत सुमारे १,२०,००० रुपयांचा नफा कमावला आहे. त्यांनी टोमॅटोच्या लागवडीत आधुनिक आणि प्रगत कृषी तंत्रज्ञानाचा अवलंब करत शेतीला वेगळं रुप दिलं. त्यातून त्यांनी पीक व्यवस्थापनाकडे विशेष लक्ष दिले. यासगळ्यात त्यांनी वेळेवर शेतीची कामे, पिकांची नियमित काळजी आणि शास्त्रीय तंत्रज्ञानाचा योग्य वापर या सगळ्याचा त्यांना विशेष फायदा झाला आणि त्यांच्या पिकाचे उत्पन्न सुधारलं.
चांगले उत्पन्न आणि योग्य व्यवस्थापनामुळे, टोमॅटोची शेतीची भरभराट झाली. कंटाळलेल्या शाहिदना आशेची उमेद मिळाली. त्याच्यासाठी उत्पन्नाचा एक महत्त्वाचा स्रोत बनली आहे. शाहिद खान यांनी सांगितले की, त्यांना फलोत्पादन विभागामार्फत राबवल्या जाणाऱ्या विविध योजनांचा फायदा झाला आहे. हा विभाग त्यांना योजनांविषयी नियमित माहिती आणि प्रगत कृषी तंत्रज्ञान, पीक व्यवस्थापन व आवश्यक कृषी पद्धतींवर तांत्रिक मार्गदर्शन पुरवतो.
शेतकऱ्यांना आधुनिक कृषी पद्धतींशी जोडण्याच्या प्रयत्नांदरम्यान, शाहिद जामा खान यांच्यासारखे शेतकरी प्रगत तंत्रज्ञानाचा अवलंब केला. यामुळे त्याचं उत्पन्न चांगलंच वाढत आहे. हे मुर्तीमंतर उदारण पाहता त्याचं यश प्रकर्षाने दिसतं. या सगळ्याचं श्रेय जितकं वैज्ञानिक कृषी तंत्रज्ञान, सुधारित पीक व्यवस्थापन आणि वेळेवर मिळणारे तांत्रिक मार्गदर्शनाचं आहे तसंच त्यांचं स्वतःचंही आहे. या सगळ्या गोष्टी शेतीला अधिक फायदेशीर बनवण्यात महत्त्वाची भूमिका बजावू शकतात.
खचून जाणाऱ्या त्या प्रत्येक शेतकऱ्यांसाठी शाहिदची ही स्टोरी मुर्तिमंत उदाहरण आहे. सुधारित टोमॅटो लागवडीच्या यशामुळे शाहिद जामा खान यांना फळबागांच्या पिकांद्वारे आपले उत्पन्न आणखी वाढवण्यासाठी प्रोत्साहन मिळाले आहे. त्यांच्या या उपक्रमामुळे परिसरातील इतर शेतकऱ्यांसाठीही आधुनिक आणि व्यावसायिक शेतीच्या शक्यता खुल्या झाल्या आहेत.
