फेडेक्स‘एसएमई कनेक्‍ट’ सिरीजने फार्मा व हेल्‍थकेअर लघु व्‍यवसायांना जागतिक संधींचा लाभ घेण्‍यासाठी केले सक्षम

जागतिक औषध व लस उद्योगात भारताची महत्त्वाची भूमिका आहे, जेथे भारताचा जागतिक पुरवठा आकारमानात २० टक्‍के हिस्‍सा आहे आणि जागतिक लसींमध्ये जवळपास ६० टक्‍के हिस्‍सा आहे. एसएमई हे पुरवठा साखळीचा महत्त्वपूर्ण भाग आहेत. एसएमई जवळपास ७० टक्‍के भारताच्या गरजांची पूर्तता करतात आणि फार्मा निर्यातीत ४८ टक्‍के योगदान देतात. आज हेल्थकेअर शिपमेंट सोल्यूशन्समध्ये अधिक दृश्यमानता, नियंत्रण आणि स्थिरतेची गरज पूर्वीपेक्षा अधिक महत्त्वपूर्ण बनली आहे.

“कोविड-१९ महामारीने फार्मा पुरवठा साखळीमध्‍ये परिपूर्ण क्रांती घडवून आणली. फार्मास्‍युटिकल मागणीमध्‍ये अधिकाधिक वाढ होत असताना विश्‍वसनीय व अधिक कार्यक्षम पुरवठा साखळी भारतातील एसएमईंसाठी मोठी भूमिका बजावेल. FedEx एसएमई कनेक्‍ट सिरीज भारतीय एसएमईंना सर्वसमावेशक माहिती व उपाययोजनांच्‍या माध्‍यमातून जागतिक स्‍तरावर नवीन व उद्योन्‍मुख बाजारपेठांमध्‍ये व भारतात विस्‍तारित होण्‍यास सक्षम करते आणि भावी वाटचालीसाठी सुसज्‍ज करते,’’ असे एएमईएच्‍या मार्केटिंग ॲण्‍ड कस्‍टमर एकस्‍पेरिअन्‍सचे वरिष्‍ठ उपाध्‍यक्ष सलिल चारी म्‍हणाले.

FedEx चा सानुकूल उपाययोजनांसह एसएमईंना हेल्‍थकेअर आणि फार्मामध्ये पाठिंबा देण्याचा मोठा इतिहास आहे. या उपायोजनांमध्‍ये प्राधान्य बोर्डिंग व मॉनिटरिंगसह सक्रिय पॅकेजिंग सोल्यूशन्ससाठी FedEx Customized Freight, शिपमेंट क्रियाकलाप व्यवस्थापित करण्यासाठी समर्पित तज्ञांची सुविधा देणारे FedEx Priority Alert, तापमान-नियंत्रित शिपमेंट व इतर तापमान-नियंत्रित कंटेनर, श्रेणी व उपाययोजनांसाठी FedEx Thermal Blanket Solution यांचा समावेश आहे.