भारतीय गायिका आशा भोसले यांची कोट्यवधींची मालमत्ता आणि व्यवसाय आहे (फोटो - सोशल मीडिया)
Asha Bhosle Passes Away : मुंबई : बॉलीवुडच्या जेष्ठ गायिका आशा भोसले यांचे वयाच्या 92 व्या वर्षी निधन झाले आहे. त्यांना काल (दि.11) ह्रदयविकाराचा झटका आला होता. वयाच्या 93 व्या वर्षी त्यांनी अखेरचा श्वास घेतला. सूरसम्राज्ञी आशा भोसले यांच्या निधनामुळे बॉलीवुडवर शोककळा पसरली आहे. संपूर्ण विश्वावर आपल्या जादूई दमदार आवाजाने सात दशके राज्य करणाऱ्या आशा भोसले या लोकप्रिय गायिका तर होत्याच. पण त्याचबरोबर एक दूरदर्शी बिझनेसवूमन देखील होत्या.
पार्श्वगायिका आशा भोसले यांनी अनेक दशके हजारो गाणी गायली आहेत. मंगेशकर कुटुंबातून असलेल्या आशा ताई भोसले यांनी करोडो रुपयांचे साम्राज्य निर्माण केले. मीडिया अहवालानुसार, आशा भोसले यांची एकूण संपत्ती २०० ते २५० कोटी रुपयांच्या दरम्यान असल्याचा अंदाज आहे. केवळ त्यांच्या मालमत्तेचे मूल्य अंदाजे ८० ते १०० कोटी रुपये आहे. या बाबतीत, त्या श्रेया घोषाल आणि तुळसी कुमार यांसारख्या प्रमुख गायकांच्या पंक्तीत येतात.
हे देखील वाचा : संगीत विश्वातील सूर हरवला…! सूरसम्राज्ञी आशा भोसले यांचे वयाच्या 93 व्या वर्षी निधन
आशा भोसले यांचे उत्पन्नाचे विविध स्रोत
आशा भोसले सात दशके बॉलीवुडमध्ये काम केले. मात्र पूर्वीप्रमाणे आता अलिकडच्या काळामध्ये चित्रपटांमध्ये सक्रिय नव्हत्या. मात्र त्यांनी आपले उत्पन्न आणि खर्च याचा योग्य ताळमेळ राखला होता. गायन कमी केल्यानंतर देखील आशा भोसले त्यांचे उत्पन्न भक्कम होते. त्या जागतिक संगीत दौरे, खाजगी अल्बम आणि रॉयल्टीमधून सातत्याने कमाई करत होत्या.
रेस्टॉरंट चेनचे यश
गायना बरोबर आशा ताई यांना व्यवसायाची देखील आवड होती. त्या एक यशस्वी गायिका यांसह यशस्वी उद्योजिका म्हणून ओळखल्या जात होत्या. त्यांचा ‘आशाज रेस्टॉरंट’ हा एक आंतरराष्ट्रीय फाईन-डायनिंग रेस्टॉरंट ब्रँड आहे, जो २००२ मध्ये सुरू झाला. या चेनच्या दुबई, कुवेत आणि यूकेसह १४ हून अधिक शाखा आहेत. आशाज रेस्टॉरंट या अस्सल वायव्य भारतीय पदार्थांसाठी ओळखली जाते.
विक्रम आणि पुरस्कारांची मोठी यादी
आशा भोसले यांनी आपल्या कारकिर्दीत १२,००० हून अधिक गाणी रेकॉर्ड केली आहेत, ज्यामुळे त्या जगातील सर्वाधिक विक्रम करणाऱ्या कलाकारांपैकी एक बनल्या आहेत. त्यांना दादासाहेब फाल्के पुरस्कार, पद्मविभूषण आणि अनेक राष्ट्रीय चित्रपट पुरस्कार मिळाले आहेत.
ग्रॅमी नामांकनही मिळाले होते
फार कमी लोकांना हे माहीत आहे की, त्यांना १९९७ मध्ये त्यांच्या ‘लेगसी’ या अल्बमसाठी ग्रॅमी पुरस्कारासाठी नामांकन मिळाले होते. हे संगीत क्षेत्रातील जगातील सर्वात प्रतिष्ठित आणि सर्वोच्च सन्मान आहेत, जे रेकॉर्डिंग अकादमीद्वारे उत्कृष्ट कामगिरीसाठी दरवर्षी दिले जातात.
हे देखील वाचा: 2 वेळा लग्न, सासरी छळामुळे सोडले नवऱ्याचे घर, आयुष्यात आली अनेक संकटं
