‘या’ मल्टीबॅगर स्टॉकने गुंतवणूकदारांना 5 वर्षात दिला तब्बल 43 टक्के परतावा!

देशातील आघाडीची सौर ऊर्जा उत्पादन कंपनी इन्सोलेशन एनर्जी लिमिटेडच्या शेअर्समध्ये शुक्रवारी मोठी उसळी दिसून आली. या कालावधीत कंपनीचे शेअर्स 5 टक्क्यांहून अधिक वाढून इंट्रा-डे 4,289 रुपयांवर पोहोचले होते.

देशातील आघाडीची सौर ऊर्जा उत्पादन कंपनी इन्सोलेशन एनर्जी लिमिटेडच्या शेअर्समध्ये शुक्रवारी मोठी उसळी दिसून आली. या कालावधीत कंपनीचे शेअर्स 5 टक्क्यांहून अधिक वाढून इंट्रा-डे 4,289 रुपयांवर पोहोचले होते. शेअर्समध्ये ही वाढ कंपनीच्या मोठ्या डीलनंतर झाली आहे. ऊर्जा उत्पादन कंपनीने राजस्थानमध्ये 10,000 कोटी रुपयांच्या मोठ्या करारासाठी सामंजस्य करार केला आहे.

शेअरने दिला 43 वेळा बंपर परतावा

कंपनीच्या शेअर्सच्या गेल्या पाच वर्षांच्या आकडेवारीवर नजर टाकली तर या काळात या शेअरने गुंतवणूकदारांना 4300 टक्क्यांहून अधिक चांगला परतावा दिला आहे. तर त्याची किंमत 97 रुपयांवरून सध्याच्या पातळीवर वाढली आहे. अशा प्रकारे या कंपनीच्या शेअरने 43 वेळा बंपर परतावा दिला आहे. त्याच वेळी, या वर्षी म्हणजे 2024 मध्ये, या शेअरने कोणत्याही एका वर्षात सर्वाधिक 440 टक्के परतावा दिला आहे.
(फोटो सौजन्य – सोशल मीडीया)

हे देखील वाचा – नोकरी सोडली, स्वत:ची कंपनी उभारली; आज करतोय कोट्यावधींची कमाई!

10,000 कोटी रुपयांचा सामंजस्य करार

ऊर्जा उत्पादन कंपनीने शेअर बाजाराला कळवले आहे की तिच्या संपूर्ण मालकीची उपकंपनी इन्सोलेशन ग्रीन एनर्जी प्रायव्हेट लिमिटेडने राजस्थानमधील सौरऊर्जा उत्पादन, घटक उत्पादन, ईपीसी प्रकल्प आणि सौर उद्यानांसाठी 10,000 कोटी रुपयांचा सामंजस्य करार केला आहे. हा करार रायझिंग राजस्थान ग्लोबल इन्व्हेस्टमेंट समिट 2024 अंतर्गत करण्यात आला असून तो 2030 पर्यंत लागू असेल.

हे देखील वाचा – निवासी गृहप्रकल्पांचे बांधकाम 39 टक्क्यांनी महागले, वाचा… काय आहे त्यामागील कारण!

कशी आहे कंपनीच्या समभागांची कामगिरी

५२ आठवड्यांचा निच्चांक : ५९५.१५ रुपये (३० नोव्हेंबर २०२३)
५२ आठवड्यांचा उच्चांक : ४७५० रुपये (नोव्हेंबर ८, २०२४)
2024 मध्ये शेअर्समध्ये एकूण नफा : 438 टक्के
एका वर्षात परतावा : 539 टक्के

हे देखील वाचा – ‘या’ सरकारी बॅंकेची इन्शुरन्स सेक्टरमध्ये एंट्री; आरबीआयकडून मिळाली मंजुरी!

तांत्रिक निर्देशकांनुसार, या समभागाचा सापेक्ष सामर्थ्य निर्देशांक (आरएसआय) 53.5 इतका आहे. जे दर्शविते की, हा स्टॉक ना ओव्हरबॉट किंवा ओव्हरसोल्ड स्थितीत आहे. कंपनीचे शेअर्स 5-दिवस, 20-दिवस, 30-दिवस, 50-दिवस, 100-दिवस आणि 200-दिवसांच्या चलन सरासरीच्या वर व्यापार करत आहेत.

इन्सोलेशन एनर्जी लिमिटेड बद्दल थोडक्यात

इन्सोलेशन एनर्जी प्रामुख्याने आयएनए या ब्रँड नावाखाली सोलर पॅनेल उत्पादनाच्या व्यवसायात सक्रिय आहे. त्याची मार्केट कॅप 8,792.98 कोटी रुपये आहे. या मल्टीबॅगर स्टॉकने गेल्या काही वर्षांत जबरदस्त कामगिरी केली आहे आणि आगामी काळात सौरऊर्जेशी संबंधित प्रकल्प याला आणखी बळ देऊ शकतात. तथापि, गुंतवणूकदारांनी कोणताही निर्णय घेण्यापूर्वी त्यांच्या आर्थिक सल्लागाराचा सल्ला घ्यावा.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)