(फोटो सौजन्य: सोशल मीडिया)
ज्यांना अल्प कालावधीसाठी पैशांची गरज आहे, पण आपल्या दीर्घकालीन बचतीशी कोणतीही तडजोड करायची नाही, त्यांच्यासाठी पीपीएफ बॅलन्सवरील कर्ज मिळवणं हा उत्तम उपाय आहे.
योग्य वेळेची निवड: तुमचे खाते किमान ३ वर्षे उघडे आणि ६ वर्षांपेक्षा कमी जुने असेल तरच तुम्ही पीपीएफवर कर्ज घेऊ शकता. सहाव्या वर्षानंतर तुम्ही कर्ज घेऊ शकत नाही, कारण त्या वेळी तुम्ही पार्शियल विड्रॉलसाठी पात्र असता.
किती मिळतील पैसे: तुम्ही तुमच्या मैक्सिमम रकमेच्या केवळ २५% कमाल कर्ज घेऊ शकता. महत्त्वाचे म्हणजे, या २५% ची गणना दोन वर्षांपूर्वी तुमच्या खात्यात असलेल्या शिल्लक रकमेच्या आधारावर केली जाते.
व्याजदर सर्वात कमी : पीपीएफ कर्जावरील व्याजदर हा पीपीएफवरील मिळणाऱ्या व्याजदरापेक्षा फक्त १% ने जास्त असतो. पर्सनल लोन किंवा क्रेडिट कार्डच्या तुलनेत हा एक खूपच स्वस्त आणि सोपा पर्याय म्हणून उपलब्ध आहे.
परतफेड सुविधा: या कर्जासाठी तुम्हाला ३ वर्षांचा म्हणजेच ३६ महिन्यांचा परतफेडीचा कालावधी मिळतो. तुम्ही हप्त्यांमध्ये किंवा एकरकमी परतफेड करू शकता. हे लक्षात ठेवा की, जर तुम्ही ३ वर्षांच्या आत कर्जाची परतफेड करू शकला नाहीत, तर व्याजदरात लक्षणीय वाढ होते. त्यामुळे, जर तुम्हाला वेळेवर परतफेड करण्याचा विश्वास असेल तरच या सुविधेचा वापर करा.
पीपीएफ ही एक सरकारी बचत योजना आहे जी गुंतवणुकीवर गॅरंटी रिटर्न देते. सर्वात महत्त्वाचे म्हणजे, मिळणारे व्याज आणि मुदतपूर्तीनंतर मिळणारी संपूर्ण रक्कम पूर्णपणे करमुक्त असते, म्हणजेच ती EEE (Exempt-Exempt-Exempt) श्रेणीमध्ये येते. पीपीएफचा १५ वर्षांचा लॉक-इन कालावधी आहे. तुम्ही वार्षिक फक्त ₹५०० पासून सुरुवात करू शकता. तुम्ही एका आर्थिक वर्षात जास्तीत जास्त ₹१.५ लाख जमा करू शकता. तुम्ही वर्षातून एकदा किंवा मासिक हप्त्यांमध्ये पैसे जमा करू शकता.
