Share Market Holiday: गुंतवणूकदारांसाठी महत्वाची अपडेट, तीन दिवस शेअर बाजार राहणार बंद! तपासा सुट्टीची यादी

Share Market Holiday: साप्ताहिक सुट्ट्यांव्यतिरिक्त, 2025 मध्ये अजून असे बरेच दिवस आहेत जेव्हा शेअर बाजार बंद राहील. ऑगस्टमध्ये 2 दिवस शेअर बाजारला सुट्टी आहे. या दोन्ही दिवशी शेअर बाजारात कोणतेही व्यवहार होणार नाहीत

Share Market Holiday Marathi News: या आठवड्यात भारतीय शेअर बाजारात फक्त चार दिवस व्यवहार होतील. बीएसई आणि एनएसईवर ट्रेडिंग ११ ऑगस्ट ते १४ ऑगस्ट दरम्यान चालेल, तर १५, १६ आणि १७ ऑगस्ट रोजी बाजार बंद राहतील. १५ ऑगस्ट रोजी देशात स्वातंत्र्य दिन साजरा केला जाईल, ज्यामुळे त्या दिवशी राष्ट्रीय सुट्टी असेल. यानंतर, शनिवार आणि रविवार (१६-१७ ऑगस्ट) असल्याने बाजार बंद राहतील.

नॅशनल स्टॉक एक्सचेंज (NSE) च्या ट्रेडिंग हॉलिडे कॅलेंडरनुसार, ऑगस्टमध्ये दोन प्रमुख सणांवर बाजार बंद राहतील:

• १५ ऑगस्ट (शुक्रवार) – स्वातंत्र्य दिन
• २७ ऑगस्ट (बुधवार) – गणेश चतुर्थी

या सुट्ट्यांदरम्यान शेअर बाजार बंद असेल. तसेच या कालावधीत, एनएसई आणि बीएसईमध्ये इक्विटी, डेरिव्हेटिव्ह्ज आणि सिक्युरिटीज लेंडिंग आणि बोरोइंग (एसएलबी) सेगमेंटमध्ये कोणतेही ट्रेडिंग किंवा सेटलमेंट होणार नाही.

Share Market Today: कशी होणार आज शेअर बाजाराची सुरुवात? तज्ज्ञांनी काय सांगितलं? जाणून घ्या सविस्तर

२०२५ मधील इतर प्रमुख सुट्ट्या खालीलप्रमाणे आहेत:

• २ ऑक्टोबर – गांधी जयंती / दसरा
• २१ ऑक्टोबर – दिवाळी लक्ष्मीपूजन 
• २२ ऑक्टोबर – बलिप्रतिप्रदा 
• ५ नोव्हेंबर – प्रकाश पर्व (गुरु नानक देव जी यांचा जन्मदिवस)
• २५ डिसेंबर – नाताळ

कमोडिटी आणि करन्सी डेरिव्हेटिव्ज मार्केट देखील बंद राहील

मल्टी-कमोडिटी एक्सचेंज (MCX) आणि करन्सी डेरिव्हेटिव्ज मार्केट देखील ऑगस्टमध्ये साप्ताहिक सुट्टीव्यतिरिक्त 2 दिवस बंद राहतील. 15 ऑगस्ट आणि 27 ऑगस्ट रोजी या दोन्ही बाजारात कोणतेही काम होणार नाही.

गुंतवणूकदारांसाठी सल्ला

या सुट्ट्या लक्षात घेऊन, गुंतवणूकदारांनी त्यांचे ट्रेडिंग प्लॅन आधीच तयार करावेत, जेणेकरून कोणतीही गैरसोय टाळता येईल.

शेअर बाजाराची स्थिति

काल ११ ऑगस्ट रोजी सेन्सेक्स आणि निफ्टीने मजबूतीने व्यवहार सुरू केले. सेन्सेक्स ८०,६०४.०८ वर बंद झाला, जो ७४६.२९ अंकांनी किंवा ०.९३ टक्के वाढ दर्शवितो. त्याच वेळी, निफ्टी ५० २२१.७५ अंकांनी किंवा ०.९१ टक्के वाढून २४,५८५.०५ वर बंद झाला. बँक निफ्टी देखील सुमारे १ टक्क्यांनी वाढीसह ५५,५१० च्या वर बंद झाला.

जागतिक बाजारपेठेत संमिश्र प्रतिसाद असताना, भारतीय गुंतवणूकदार जुलै महिन्याच्या ग्राहक किंमत निर्देशांक (सीपीआय) डेटाची वाट पाहत आहेत, जो बाजाराची दिशा ठरवू शकतो.

आज शेअर बाजार पुन्हा एकदा तेजीच्या मार्गावर आला आहे. बातमी लिहेपर्यंत बीएसई सेन्सेक्स आता ९७ अंकांनी वाढून ८०७०१ वर पोहोचला आहे. निफ्टी देखील ४५ अंकांनी वाढून २४६२९ वर पोहोचला आहे. एकेकाळी निफ्टीने दिवसाच्या नीचांकी २४५३० ला स्पर्श केला होता आणि सेन्सेक्स ८०३९८ ला स्पर्श केला होता.