सेन्सेक्सच्या टॉप १० कंपन्यांपैकी पाच कंपन्यांचे मार्केट कॅप तब्बल ‘इतक्या’ कोटींनी घसरले, इन्फोसिस, टीसीएसला सर्वात जास्त नुकसान

Share Market: या आठवड्यात इन्फोसिसचे बाजार भांडवल ४४,२२६.६२ कोटी रुपयांनी घसरून ६,५५,८२०.४८ कोटी रुपयांवर आले. टीसीएसचे मूल्यांकन ३५,८००.९८ कोटी रुपयांनी घसरून १२,७०,७९८.९७ कोटी रुपयांवर आले. टॉप १० कंपन्यांच्या यादीत

Share Market Marathi News: स्थानिक शेअर बाजारातील कमकुवत कलांमुळे गेल्या आठवड्यात सेन्सेक्सच्या टॉप १० कंपन्यांपैकी पाच कंपन्यांचे मार्केट कॅप (एमकॅप) एकत्रितपणे ९३,३५७.५२ कोटी रुपयांनी घसरले. आयटी क्षेत्रातील दिग्गज कंपन्यांमध्ये इन्फोसिस आणि टाटा कन्सल्टन्सी सर्व्हिसेस (टीसीएस) यांना सर्वात जास्त नुकसान सहन करावे लागले. गेल्या आठवड्यात, बीएसईच्या ३० शेअर्सचा सेन्सेक्स ५०३.६७ अंकांनी किंवा ०.६८ टक्क्यांनी घसरला. त्याच वेळी, राष्ट्रीय शेअर बाजाराचा निफ्टी १५५.३ अंकांनी किंवा ०.६९ टक्क्यांनी घसरला. होळीनिमित्त शुक्रवारी शेअर बाजार बंद होते.

आढावा घेत असलेल्या आठवड्यात इन्फोसिस, टाटा कन्सल्टन्सी सर्व्हिसेस, हिंदुस्तान युनिलिव्हर, स्टेट बँक ऑफ इंडिया (एसबीआय) आणि रिलायन्स इंडस्ट्रीजचे बाजार मूल्यांकन घसरले. तर आयसीआयसीआय बँक, एचडीएफसी बँक, आयटीसी, बजाज फायनान्स आणि भारती एअरटेल यांचे बाजार भांडवल वाढले. या पाच कंपन्यांचे बाजारमूल्य एकत्रितपणे ४९,८३३.६२ कोटी रुपयांनी वाढले.

परदेशी गुंतवणूकदारांची भारतीय बाजारातून आतापर्यंत काढून घेतले ३०,००० कोटी, ट्रम्पच्या व्यापार युद्धामुळे वाढली चिंता

इन्फोसिसचे बाजार भांडवल ४४,२२६ कोटी रुपयांनी घसरले

या आठवड्यात इन्फोसिसचे बाजार भांडवल ४४,२२६.६२ कोटी रुपयांनी घसरून ६,५५,८२०.४८ कोटी रुपयांवर आले. टीसीएसचे मूल्यांकन ३५,८००.९८ कोटी रुपयांनी घसरून १२,७०,७९८.९७ कोटी रुपयांवर आले. टॉप १० कंपन्यांच्या यादीत ती तिसऱ्या स्थानावर घसरली. हिंदुस्तान युनिलिव्हरचे मार्केट कॅप ६,५६७.११ कोटी रुपयांनी घसरून ५,११,२३५.८१ कोटी रुपयांवर आले. एसबीआयचे मूल्यांकन ४,४६२.३१ कोटी रुपयांनी घसरून ६,४९,४८९.२२ कोटी रुपयांवर आले.

रिलायन्स इंडस्ट्रीजचे मूल्यांकन २,३००.५० कोटी रुपयांनी घसरून १६,८८,०२८.२० कोटी रुपये झाले. या ट्रेंडच्या उलट, आयसीआयसीआय बँकेचे मार्केट कॅप २५,४५९.१६ कोटी रुपयांनी वाढून ८,८३,२०२.१९ कोटी रुपयांवर पोहोचले. एचडीएफसी बँकेचे बाजारमूल्य १२,५९१.६० कोटी रुपयांनी वाढून १३,०५,१६९.९९ कोटी रुपये झाले. आयटीसीचे बाजार भांडवल १०,०७३.३४ कोटी रुपयांनी वाढून ५,१५,३६६.६८ कोटी रुपये झाले.

बजाज फायनान्सचे मूल्यांकन ९११.२२ कोटी रुपयांनी वाढून ५,२१,८९२.४७ कोटी रुपये झाले आणि भारती एअरटेलचे मूल्यांकन ७९८.३० कोटी रुपयांनी वाढून ९,३१,०६८.२७ कोटी रुपये झाले. टॉप १० कंपन्यांच्या यादीत रिलायन्स इंडस्ट्रीज पहिल्या स्थानावर राहिली. त्यानंतर, अनुक्रमे HDFC बँक, TCS, भारती एअरटेल, ICICI बँक, इन्फोसिस, स्टेट बँक ऑफ इंडिया, बजाज फायनान्स, ITC आणि हिंदुस्तान युनिलिव्हर यांचा क्रमांक लागला.

ज्येष्ठ नागरिकांसाठी १० वर्षांच्या एफडीवर ७.७५ टक्यापर्यंत व्याज, १ एप्रिलपासून लागू होतील नवीन टीडीएस नियम