फोटो सौजन्य- प्रतिनिधी
क्रीडा आणि युवक सेवासंचलनालाय महाराष्ट्र राज्य, पुणे अंतर्गत जिल्हा क्रीडाधिकारी कार्यालय रायगड – अलिबाग आयोजित तालुकास्तरीय कबड्डी स्पर्धा २०२४-२५ चे भव्य आयोजन माध्यमिक विद्यालय – वडवळ येथे शासनाच्या वतीने करण्यात आले होते.शासनाच्या तालुकास्तरीय कबड्डी स्पर्धेत खालापूर तालुक्यातील ४५ पुरूष व महिला संघांनी विविध वयो गटात सहभागी होऊन आपल्या सांघिक खेळ कौशल्याचे प्रदर्शन केले आहे.
या स्पर्धेच्या उदघाटन समारंभाप्रसंगी रायगड जिल्हा कबड्डी संघटनेच्या उपाध्यक्षा शिवानी जंगम, जिल्हा क्रीडाधिकारी कार्यालयाच्या वतीने तालुका क्रीडा समन्वय जगदीश मरागजे, आयोजक जितेंद्र सकपाळ, वडवळ ग्रामपंचायतीचे सरपंच ज्ञानेश्वर सुतार,गोदरेज अँड बोईस चे मॅनेजर राजेंद्र पाशीलकर, तानाजी चव्हाण,एम डी चाळके,शाळेच्या मुख्याध्यापिका वैशाली गोळे, मुख्याध्यापक राजिप शाळा – वडवळ सुधाकर थळे, माजी सरपंच अनिल मरागजे, आणि वडवळ ग्रामस्थांसह अनेक कबड्डीप्रेमी उपस्थित होते.
विजेत्या संघांना जिल्हास्तरीय विजेतेपद मिळविण्याची संधी
ही कबड्डी स्पर्धा १४,१७ व १९ वर्ष वयोगटातील मुले व मुली या मध्ये खेळविल्या गेल्या. या स्पर्धेत विजेत्या व उपविजेत्या संघाना भव्य ट्रॉफी देऊन गौरविण्यात आले तर या स्पर्धेतील विजेत्या संघाची रायगड जिल्हास्तरीय स्पर्धेसाठी निवड झाली आहे. त्यामुळे विजेत्या संघांना जिल्हास्तरीय विजेतेपद मिळविण्याची संधी प्राप्त झाली आहे.
कबड्डी स्पर्धेचा अंतिम निकाल
१४ वर्ष मुली
विजेता संघ – जनता विद्यालय – खोपोली.
उपविजेता संघ – जनता विद्यालय इंग्लिश मिडीयम – मोहोपाडा.
१४ वर्ष मुले
विजेता संघ – चिलठण विद्यालय – चिलठण.
उपविजेता संघ – सह्याद्री विद्यालय – खोपोली.
१७ वर्ष मुली
विजेता संघ – जनता विद्यालय – खोपोली.
उपविजेता संघ – माध्यमिक विद्यालय – वडवळ.
१७ वर्ष मुले
विजेता संघ – जनता विद्यालय खोपोली
उपविजेता संघ – चिलठण विद्यालय – चिलठण.
१९ वर्ष मुली
विजेता संघ – जनता विद्यालय ज्युनिअर कॉलेज – खोपोली.
उपविजेता संघ – छत्रपती विद्यालय – वावोशी.
१९ वर्ष मुले
विजेता संघ – छत्रपती विद्यालय – वावोशी.
उपविजेता संघ – जनता विद्यालय ज्युनिअर कॉलेज – खोपोली.
.png "Videos"){kind=small}
