रविवार, 18 ऑक्टोबर 2026
फोटो सौजन्य सोशल मिडिया
प्रकरणात ३० वर्षीय विवाहीतेने फिर्याद दिली. त्यानुसार, पीडिता ही छत्रपती संभाजीनगरमध्ये शिक्षिका म्हणून नोकरी करते. सात ते आठ महिन्यांपूर्वी संगमनेर येथे शिक्षण घेत असताना तिची घुगे याच्याशी इन्स्टाग्रामवर ओळख झाली. पुढे प्रेमसंबंध निर्माण झाले. एप्रिल २०२६ मध्ये घुगे याने तिला पंढरपूर, एमआयडीसी वाळूज येथील लॉजवर बोलावले. तेथे दोन दिवस ठेवून लग्नाचे आमिष दाखवत शारीरिक संबंध प्रस्थापित केले.
त्यानंतर वडगाव कोल्हाटी येथील भाड्याच्या खोलीतही अनेकदा संबंध प्रस्थापित केले. या काळात खासगी क्षणांचे व्हिडीओ मोबाइलमध्ये चित्रित केल्याचे फिर्यादीत नमुद आहे. पुढील तपास सहायक निरीक्षक संदीप राजपुत करित आहेत.
रिक्षाचा धक्का लागला अन् थेट खड्ड्यात पडले! पुण्यात 55 वर्षीय व्यक्तीचा उपचारादरम्यान मृत्यू
१० ऑक्टोबर रोजी घुगे याने तिला पुन्हा लॉजवर बोलावले, लग्न करण्यावरून वाद झाल्यानंतर मारहाण करून जिवे मारण्याची धमकी दिली. त्यानंतर ११ ऑक्टोबर रोजी दोघांनी लाडगाव येथील श्री गणाधीश वैदिक विवाह संस्थेत हिंदू पद्धतीने विवाह केला. मात्र, कुटुंबीयांना विवाहाची माहिती दिली नव्हती. दोघे स्वतंत्र राहत होते.
१४ ऑक्टोबर रोजी घुगे हा पीडितेच्या राहत्या घरी गेला, आणि तिच्याकडील दोन सिमकार्ड घेऊन गेला. पीडितेने नवीन सिमकार्ड घेत त्याला क्रमांक कळविला. घुगे याने तिला सायंकाळी वडगाव कोल्हाटी येथे बोलावले; मात्र तिने नकार दिला. त्यानंतर माथेफिरु पतीने दोघांच्या खासगी क्षणाचे व्हिडीओ व्हायरल करण्याची धमकी दिली. व १५ ऑक्टोबरच्या रात्री उशिरा ते व्हिडीओ आणि लग्नाचे फोटो आई, वडील व बहिणीच्या व्हॉट्सअॅपवर पाठविल्याचे फिर्यादीत नमुद आहे.
Mahim Creek Dead Body Case : 27 वर्षीय महिलेचा मृतदेह सापडला; पोलीस आणि फॉरेन्सिक पथकाकडून तपास सुरू
