सोमवार, 19 ऑक्टोबर 2026
Jalna News: २४ कोटींच्या घोटाळ्याचा पर्दाफाश; कृषी अधिकाऱ्यासह सात जणांना अटक
Dombivali भाजपा आणि शिंदेसेनेत तुफान राडा; महायुतीतील अंतर्गत वाद चव्हाट्यावर
जिल्ह्यातील अंबड व घनसावंगी तालुक्यात झालेल्या नैसर्गिक आपत्तीमुळे शेतकऱ्यांच्या पिकांचे मोठ्या प्रमाणावर नुकसान झाले होते. त्यामध्ये शासनाने वेळोवेळी ४ जी आर काढुन बाधित शेतकऱ्यांना अनुदान जाहीर केले होते. त्यामध्ये अंबड व घनसावंगी तालुक्यात याद्या अपलोडींगचे काम काज करणारे संबंधित अधिकारी व कर्मचारी यांनी मोठ्या प्रमाणावर बोगस (शेती नावावर नसलेले) नावे याद्यामध्ये अपलोड करुन त्यांचे नावे आलेल्या शासनाचे अनुदानाची रक्कम त्यांच्याकडुन परस्पर परत घेतल्या संबंधी तक्रारी प्राप्त झाल्या होत्या.
त्यामुळे तत्कालीन जिल्हाधिकारी यांनी सदर प्रकरणात सत्यता पडताळणी साठी चौकशी समीती गठीत केली होती. चौकशी समीतीने चौकशी करुन एकूण २४० गावांत २४ कोटी ९० लाख ७७ हजार ८११ रुपयांचा शासकीय रकमेचा अपहार झाला असल्या बाबत अहवाल दिल्यानंतर सदर प्रकरणात पोलीस स्टेशन अंबड येथे गुन्हा रजि. क्र. 453/2025 कलम 316 (4), 316(5), 318(4), 324(5), 336(3), 338, 340(2), 339, 238, 3(5) BNS सह कलम 52, 53 आपत्ती व्यवस्थापन कायदा 2005 अन्वये गुन्हा दाखल आहे.
सदर गुन्हयाचा तपास पोलीस अधीक्षक साहेब जालना यांचे आदेशान्वये आर्थिक गुन्हे शाखा जालना करीत आहे. सदर गुन्हयात यापूर्वी सात आरोपी अटक करण्यात आले आहेत. गुन्हयात इतर आरोपीचा सहभाग निष्पन्न करुन गुन्हयाचा सखोल तपास होणे आवश्यक असल्याने त्या संबंधाने तपास करत असताना घनसावंगी तालुक्यातील राजणी वाडी, भुतेगाव, कृष्णानगर या गावामध्ये इ पिक पाहणी पंचनामे करुन पिकनिहाय बाधित शेतकऱ्याची यादी अपलोड करण्याचे काम केलेले सहाय्यक कृषी अधिकारी केशव गंगाधर कचकलवाड यांचा गुन्हयात सक्रीय सहभाग दिसुन आल्याने त्यांचा शोध घेत असताना आज रोजी सदर आरोपी हा इंदेवाडी येथील त्यांचे राहते घरी आल्याची माहिती मिळताच वरिष्ठांच्या आदेशान्वये आरोपीचा शोध घेणे कामी रवाना होऊन आरोपी केशव गंगाधर कचकलवाङ, (चय 34 वर्षे, कृषी सहाय्यक (राणीउच्चेगाव) हा त्यांचे राहते घरी इंदेवाडी येथे मिळून आल्याने त्यास गुन्ह्यात अटक करण्यात आली आहे.
ही कामगिरी ही पोलिस अधीक्षक अजयकुमार बन्सल, अपर पोलिस अधीक्षक आयुष नोपाणी, प्रभारी पोलीस उपअधीक्षक सिध्दार्थ माने यांच्या मार्गदर्शनाखाली स. पोलीस निरीक्षक मिथुन घुगे, पोलीस अंमलदार गोकुळसिंग कायटे, समाधान तेलंग्रे, किरण चव्हाण, अंबादास साबळे, गजानन भोसले, सागर बावीस्कर, दत्ता वाधुडे, विष्णु कोरडे, ज्ञानेश्वर खुने, रविंद्र गायकवाड, शुभम तळेकर, श्रेयस वाघमारे, चालक पाठक मेजर, महिला अमलदार, जयश्री निकम, निमा धनघाव आदीनी केली.
