Delhi News: लॉरेन्स बिश्नोईने तुरुंगात रचला होता ‘त्या’च्या हत्येचा कट; पोलिसांच्या आरोपपत्रात मोठा खुलासा

नादिर शाहच्या हत्येनंतर हाशिम बाबाने मोबाईल फोन तोडून तो तुरुंगातील टॉयलेटमध्ये टाकल्याचेही पोलिसांच्या चौकशीत समोर आले आहे. याप्रकरणी दिल्ली पोलिसांनी आणखी एका व्यक्तीला नोटीस बजावली होती

नवी दिल्ली : दिल्लीतील जिम मालक नादिर शाह यांच्या हत्येप्रकरणी मोठा खुलासा झाला आहे. गँगस्टर लॉरेन्स बिश्नोईने साबरमती तुरुंगात बसून नादिर शाहच्या हत्येचा कट  रचला होती.  दिल्ली पोलिसांच्या आरोपपत्रात ही धक्कादायक बाब समोर आली आहे.  12 डिसेंबर रोजी पटियाला हाऊस कोर्टात लॉरेन्स बिश्नोईचे आरोपपत्र दाखल करण्यात आले होते. लॉरेन्स बिश्नोई, हाशिम बाबा, रणदीप मलिक यांच्यासह 14 आरोपींविरुद्ध हे आरोपपत्र दाखल करण्यात आले आहे. लॉरेन्सने साबरमती तुरुंगातून व्हिडिओ कॉलकरून  तिहार तुरुंगात असलेल्या  गँगस्टर हाशिम बाबाशी चर्चाही केली होती.  दिल्ली पोलिसांच्या चौकशीदरम्यान हाशिम बाबाने हा खुलासा केला आहे.

लॉरेन्स साबरमती कारागृहात वापरतोय मोबाईल

लॉरेन्सने साबरमती तुरुंगातून व्हिडिओ कॉल करून तिहार तुरुंगात असलेल्या गँगस्टर हाशिम बाबाशी बोलल्याचे पोलिस तपासात समोर आले आहे. दिल्ली पोलिसांच्या चौकशीदरम्यान हाशिम बाबाने हा खुलासा केला आहे.  लॉरेन्सने त्याला व्हिडिओ कॉल करून दोन फोनही दाखवले होते. याचवेळी त्यांने नादिरच्या हत्येसाठी  नेमबाजांचा बंदोबस्त करण्याचे आदेश दिले होते.

‘वन नेशन, वन इलेक्शन’ विरोधात उद्धव ठाकरेंचा एल्गार; “हे जनतेच्या डोक्यावर लादू नये

लॉरेन्स बिश्नोईची  चौकशी

या हत्येप्रकरणी दिल्ली पोलिसांच्या पथकाने साबरमती तुरुंगात जाऊन लॉरेन्सची चौकशीही केली होती. आरोपपत्रात हत्येमागचे कारण स्पष्ट झाले नसून, वेगवेगळ्या टोळ्यांमधील परस्पर वैमनस्यातून ही हत्या झाल्याचे सांगण्यात आले. तसेच. अमेरिकेत बसून लॉरेन्सचा खास गुंड रणदीप मलिक याने त्याच्या हत्येसाठी शस्त्रे पाठवली होती.

 नादिरची जिमबाहेर हत्या

दिल्लीतील पॉश क्षेत्र असलेल्या ग्रेटर कैलाश भागात ३५ वर्षीय जिम मालक नादिर शाह यांच्यावर गोळ्या झाडण्यात आल्या. जेव्हा तो त्याच्या ‘शार्क जिम’च्या बाहेर कोणाशी तरी बोलत होता. नादिरशहाला तीन ते चार गोळ्या लागल्या. गोळीबार केल्यानंतर आरोपी तेथून पळून गेला होता. या प्रकरणी पोलिसांनी नंतर अटक केली. नादिर शाह हत्याकांडात कुख्यात गुंड हाशिम बाबा यानेही दिल्ली पोलिसांच्या स्पेशल सेलच्या चौकशीदरम्यान अनेक मोठे खुलासे केले होते.

Uddhav Thackeray Nagpur PC : काँग्रेसने सावरकरांबद्दल आणि मोदींनी नेहरुंबद्दल बोलणं

 

नादिर शाह खून प्रकरणात अनेक खुलासे

नादिर शाह हत्या प्रकरणात कुख्यात गुंड हाशिम बाबा याने दिल्ली पोलिसांच्या स्पेशल सेलच्या चौकशीदरम्यान अनेक मोठे खुलासे केले होते. तिहार तुरुंगात बंद असलेला हाशिम बाबा साबरमती कारागृहात असलेल्या लॉरेन्स बिश्नोईशी फोनवर बोलत असे. हाशिम बाबाने साबरमती तुरुंगात बंदिस्त असलेल्या लोरेश बिश्नोईशी तिहार तुरुंगातून दोन महिन्यांत अनेकदा बोलले होते. हाशिम बाबा नादिर हत्याकांड करणाऱ्या नेमबाजांशी तिहार तुरुंगातून सतत फोनवर बोलत होता. इतकंच नाही तर तो आपल्या कुटुंबाच्या सतत संपर्कात असल्याचेही त्याने सांगितले.

मोबाईल शौचालयात फ्लश केला

नादिर शाहच्या हत्येनंतर हाशिम बाबाने मोबाईल फोन तोडून तो तुरुंगातील टॉयलेटमध्ये टाकल्याचेही पोलिसांच्या चौकशीत समोर आले आहे. याप्रकरणी दिल्ली पोलिसांनी आणखी एका व्यक्तीला नोटीस बजावली होती. दुबईत बसलेल्या अनुप जुनेजा यांनाही नोटीस बजावण्यात आली आहे. यापूर्वी कुणाल छाबरा यांना चौकशीसाठी नोटीसही बजावण्यात आली होती.