बुधवार, 21 ऑक्टोबर 2026
काय नेमकं प्रकरण?
भैयासाब भीमराव व्हावळे (वय ३२) असे आत्महत्या केलेल्या पोलीस कर्मचाऱ्याचे नाव आहे. भैयासाब यांची नुकतीच ७ फेब्रुवारी २०२६ रोजी मुंबई पोलीस दलात चालक पदावर नियुक्ती झाली होती. ते कलिना येथील पोलीस प्रशिक्षण केंद्रात आपले प्राथमिक प्रशिक्षण पूर्ण करत होते. मात्र १५ मार्च रोजी सकाळी त्यांनी प्रशिक्षण केंद्रातच गळफास घेऊन आत्महत्या केली. त्यांनी आत्महत्या करण्यापूर्वी सुसाईड नोट सापडली.
Pune Crime: शाळेतून घरी आला, खेळायला गेला आणि…, थेट आढळला मृतदेह; हत्या की अपघात?
सुसाईड नोट मध्ये काय?
या घटनेनंतर पोलिसांनी केलेल्या तपासात भैयासाब यांच्या खिशात सुसाईड नोट सापडली. या चिठ्ठीत त्यांनी आपल्या मृर्तीसाठी जबाबदार असलेल्या व्यक्तींची नावे स्पष्टपणे लिहिली आहेत. प्रेयसीच्या वडिलांनी त्यांना जीवे मारण्याची धमकी दिली होती, तर तिच्या आईने “आत्महत्या कर, नाहीतर तुझी नोकरी घालवू” अशी धमकी दिली होती. या सगळ्या मानसिक छळाला कंटाळून त्यांनी हे पाऊल उचलल्याचे समोर आले आहे.
गुन्हा दाखल
भैयासाब यांचे नांदेड जिल्ह्यातील हादगाव येथील दिव्या नावाच्या तरुणीशी प्रेमसंबंध होते. मात्र, मुलीच्या घरच्यांचा या नात्याला तीव्र विरोध होता. भैयासाब यांचे वडील भीमराव व्हावळे यांनी दिलेल्या तक्रारीवरून वाकोला पोलिसांनी प्रेयसीच्या आई आणि वडिलांविरुद्ध आत्महत्येस प्रवृत्त केल्याप्रकरणी गुन्हा दाखल केला आहे. कायदेशीर पुराव्यासाठी पोलीस आता फॉरेन्सिक तज्ज्ञांची मदत घेणार आहेत. हस्ताक्षराचा अहवाल प्राप्त झाल्यानंतर आरोपींवर पुढील कडक कारवाई केली जाणार आहे. या घटनेने पोलीस दलात हळहळ व्यक्त करण्यात येत आहे.
Ans: मुंबईतील कलिना येथील पोलीस प्रशिक्षण केंद्रात ही घटना घडली.
Ans: प्रेयसीच्या आई-वडिलांकडून होत असलेल्या मानसिक छळ आणि धमक्यांमुळे त्यांनी हे पाऊल उचलले.
Ans: त्यांनी आपल्या मृत्यूसाठी जबाबदार व्यक्तींची नावे आणि मिळालेल्या धमक्यांचा उल्लेख केला आहे.
