Serial Killer : आधी समलैंगिक संबंध ठेवायचा नंतर…! अखेर असा सापडला 10 जणांची हत्या करणारा सीरियल किलर

Serial Killer News: पंजाबमधील रुपनगरमध्ये पोलिसांनी आतापर्यंत १० जणांची हत्या करणाऱ्या सीरियल किलरला अटक केली आहे. धक्कादायक बाब म्हणजे सीरियल किलर पूर्वी तरुणांचा शोध घेत होता. 

आधी समलैंगिक संबंध ठेवायचा नंतर...! अखेर असा सापडला 10 जणांची हत्या करणारा सीरियल किलर (फोटो सौजन्य-X)

Follow Us:

Follow Us:

Serial Killer News In Marathi: आतापर्यंत तुम्ही चित्रपटांमध्ये भयानक सीरियल किलरची कथा पाहिली असेल. पण पंजाबमध्ये एका सिरीयल किलरची कहाणी वाचल्यानंतर अंगावर काटाच उभा राहिल. पंजाबमधील रुपनगरमध्ये पोलिसांनी आतापर्यंत 10 जणांची हत्या करणाऱ्या सीरियल किलरला अटक केली आहे. आश्चर्याची बाब म्हणजे सीरियल किलर पूर्वी तरुणांचा शोध घेत असे. या सीरयल किलरची विशेष बाब म्हणजे आधी तो तरुण मुलांचा शोध घेयाचा. त्यानंतर त्यांच्यासोबत समलैंगिक संबंध ठेवायचा. यानंतर तो तरुणाकडे पैसे मागायचा. तरुणाने पैसे न दिल्यास त्यांच्या जीवे मारायचा. रुपनगर पोलिसांनी या गुन्हेगाराला सोमवार 23 डिसेंबर रोजी दुसऱ्या एका खुनाच्या गुन्ह्याचा तपास करत असताना पकडले आणि तपासादरम्यान असे आढळून आले की या गुन्हेगारावर 10 जणांच्या हत्येचा आरोप आहे.

11 घटनांची दिली कबुली

अटक केल्यानंतर सीरियल किलरने अनेक गुपिते उघड केली. केशरी रंगाचे कपडे घालून आणि महिलांसारखा बुरखा घालून तो वेगवेगळ्या ठिकाणी लोकांना आकर्षित करायचा. यानंतर तरुणांसोबत समलैंगिक संबंध ठेवून त्यांच्याकडे पैशाची मागणी करायचा. आरोपीला कोणी पैसे दिले नाही तर तो मारहाण देखील करायचा. तसेच त्यांची हत्या देखील करायचा.

पुण्यात गुन्हेगारी वाढली! कामगाराला भोसकून लुटण्याचा प्रयत्न; दोघांना अटक

आरोपीकडे कोणतेही हत्यार नसून तो केवळ कपड्याने लोकांना मारायचा. ठार मारल्यानंतर मारलेल्या व्यक्तीच्या पायाला हात लावून त्याने केलेल्या कृत्याची माफी देखील मागायचा, अशी माहिती पोलिसांकडून देण्यात आली.

पोलिस तपासात आतापर्यंतच्या सर्व प्रकरणांमध्ये एक समान वैशिष्ट्य म्हणजे जवळच पडलेल्या दगडाने किंवा काठीने हल्ला केल्यानंतर आरोपी त्याच्या केशरी रंगाच्या कपड्याने गळा आवळून खून करायचे. रामस्वरूप असे आरोपीचे नाव आहे. पोलीस तपासात या सिरीयल किलरने आतापर्यंत 11 गुन्हे केल्याची कबुली दिली आहे.

गुन्हा कुठे झाला?

पोलिसांनी दिलेल्या माहितीनुसार, प्रत्येकी तीन जिल्ह्यांत 10 हत्या करण्यात आले. या सिरीयल किलरने पंजाबमधील फतेहगड साहिब जिल्ह्यात चार खून, होशियारपूरमध्ये दोन खून, सरहिंद पटियाला रोडवर एक खून आणि रोपर जिल्ह्यात तीन खून केल्याची कबुली दिली आहे. यातील पाच घटनांची पोलिसांनी पडताळणीही केली आहे. रोपर रुपनगरचे एसएसपी गुलनीत सिंह खुराना यांनी सांगितले की, मारेकऱ्याचा आधी शोध लागला नव्हता. नंतर मारेकऱ्याला पकडण्यासाठी एक टीम तयार करण्यात आली. याच तपासात हा सीरियल किलर पकडला गेला असल्याची माहिती पोलिसांकडून देण्यात आली.

सासवडमध्ये चोरट्यांचा सुळसुळाट; उद्योजकांची घरे टार्गेटवर

Web Title: Police in punjab rupnagar arrest serial killer who murdered 10 people

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com