शुक्रवार, 23 ऑक्टोबर 2026
संग्रहित फोटो
पोलिस उपायुक्त गौहर हसन यांच्या मार्गदर्शनाखाली दरोडा व वाहनचोरी विरोधी पथक एकचे पोलिस निरीक्षक मारुती खेडकर, पोलिस अंमलदार ज्ञानेश्वर पिंगळे, अमित गद्रे, परमेश्वर नरवडे, साईकुमार कारके, साधना पवार आणि अजित शिंदे यांच्या पथकाने ही कारवाई केली आहे.
नेमकं प्रकरण काय?
सहकारनगर पोलिस ठाण्यात दाखल असलेल्या गुन्ह्यामध्ये भारतीय न्याय संहिता कलम ७४, ३३३, ११५(२), ३५२, ३५१(२)(३)) हे दोन्ही आरोपी मागील दीड वर्षांपासून पोलिसांना गुंगारा देऊन फरार होते. रेकॉर्डवरील पाहिजे व फरार आरोपींचा शोध घेण्याचे आदेश वरिष्ठांनी दिले होते. यादरम्यान, दरोडा व वाहनचोरी विरोधी पथकातील पोलिस अंमलदार ज्ञानेश्वर पिंगळे यांना आरोपी सागर गायकवाड हा सुसगावमधील पायगुडेनगर येथील ‘श्री. माऊली ओल्डएज होम’मध्ये नोकरी करत असल्याची खात्रीशीर माहिती मिळाली. तर दुसरा आरोपी आकाश गायकवाड हा टिळेकर नगरमधील ‘वर्ल्ड फिटनेस जिम’मध्ये कामास असल्याची कुणकुण पोलिस अंमलदार अमित गद्रे यांना मिळाली.
पोलिसांचा यशस्वी सापळा
माहितीनंतर दरोडा व वाहनचोरी विरोधी पथकातील पथकाने सुसगाव आणि कात्रज-कोंढवा परिसरात एकाच वेळी सापळा रचला. पोलिसांनी दोन्ही ठिकाणांहून दोन्ही आरोपींना अत्यंत फिल्मी स्टाइलने ताब्यात घेतले. चौकशी दरम्यान त्यांनी गुन्ह्याची कबुली दिल्यानंतर, त्यांना पुढील कायदेशीर कारवाईसाठी सहकारनगर पोलिसांच्या ताब्यात देण्यात आले आहे.
Ans: सागर शैलेश गायकवाड (वय २५) आणि आकाश शैलेश गायकवाड (वय २६).
Ans: पोलिसांपासून लपण्यासाठी एक आरोपी सुसगाव येथील वृद्धाश्रमात, तर दुसरा कात्रज-कोंढवा परिसरातील जिममध्ये नोकरी करत होता, अशी माहिती तपासात समोर आली.
Ans: पुणे पोलिसांच्या गुन्हे शाखेतील दरोडा व वाहनचोरी विरोधी पथक एकने दोघांना जेरबंद केले.
