शुक्रवार, 16 ऑक्टोबर 2026
संग्रहित फोटो
मुंबई : अंधेरी पश्चिम येथील वर्सोवा समुद्रकिनारी गोणीत बांधलेल्या अवस्थेत सापडलेल्या पुरुषाच्या मृतदेहाचे गूढ अखेर उकलले आहे. १ ऑक्टोबर रोजी देवाची वाडी, जे. पी. रोड येथील हिंदू स्मशानभूमीच्या मागील बाजूस हा मृतदेह आढळून आला होता. या प्रकरणात जुन्या वादातून हत्या झाल्याचा संशय पोलिसांनी व्यक्त केला आहे.
मृत व्यक्ती संतोष मिश्रा याच्याकडे काम करत होता
पोलिस तपासात मृत व्यक्ती मालाड पश्चिम येथील भाजी विक्रेता संतोष मिश्रा याच्याकडे काम करत असल्याचे समोर आले. मात्र, घटना उघडकीस आल्यानंतर संतोष मिश्रा याच्यासह त्याच्याकडे काम करणारे इतर कामगारही गायब असल्याची धक्कादायक माहिती पोलिसांना मिळाली. त्यामुळे तपासाची दिशा अधिक स्पष्ट झाली.
डोक्यावर गंभीर वार करून हत्या
पोलिसांच्या प्राथमिक तपासानुसार, जुन्या वादातून मृत व्यक्तीच्या डोक्यावर गंभीर दुखापत करून त्याची हत्या करण्यात आली. त्यानंतर मृतदेह गोणीत बांधून समुद्रात फेकण्यात आल्याचा संशय आहे. हत्येनंतर आरोपी वेगवेगळ्या राज्यांत पसार झाल्याची माहितीही तपासात समोर आली.
गुन्हे शाखा आणि वर्सोवा पोलिसांचा संयुक्त तपास
मुंबई पोलिसांच्या गुन्हे शाखेच्या युनिट ९ आणि वर्सोवा पोलिसांनी या प्रकरणाचा संयुक्त तपास सुरू केला. तपासादरम्यान पोलिसांनी आरोपींचा माग काढत उत्तर प्रदेशातून जुगाराज यादव याला ७ ऑक्टोबर रोजी अटक केली.
१३ ऑक्टोबरला आणखी आरोपी ताब्यात
यानंतर १३ ऑक्टोबर रोजी संतोष मिश्रा याच्यासह अन्य आरोपींचा शोध घेऊन त्यांना वर्सोवा पोलिसांच्या ताब्यात देण्यात आले. या प्रकरणात आतापर्यंत एकूण सहा आरोपींना अटक करण्यात आली आहे. हत्येमागील नेमके कारण, तसेच प्रत्येक आरोपीची भूमिका काय होती, याचा पुढील तपास पोलिसांकडून सुरू आहे.
Ans: वर्सोवा समुद्रकिनारी १ ऑक्टोबर रोजी गोणीत बांधलेल्या अवस्थेत पुरुषाचा मृतदेह सापडला.
Ans: जुन्या वादातून ही हत्या झाल्याचा प्राथमिक संशय पोलिसांनी व्यक्त केला आहे
Ans: मुंबई गुन्हे शाखेच्या युनिट ९ आणि वर्सोवा पोलिसांनी संयुक्तपणे या हत्येचा तपास केला आहे
