रविवार, 18 ऑक्टोबर 2026
(फोटो सौजन्य- सोशल मीडिया)
‘ऐल्फा’ हा वायआरएफ स्पाय युनिव्हर्समधील पहिला महिला-केंद्रित स्पाय थ्रिलर आहे. शिव रवैल यांनी या चित्रपटाचं दिग्दर्शन केलं असून, यश राज फिल्म्सच्या बॅनरखाली या चित्रपटाची निर्मिती करण्यात आली आहे.
चित्रपटाची कथा वायआरएफ स्पाय युनिव्हर्सचा भाग असलेल्या एका हाय-स्टेक्स मिशनवर निघालेल्या दोन एलीट एजंट्सभोवती फिरते. आलिया भट्ट आणि शर्वरी यांनी या दोन एजंट्सची भूमिका साकारली आहे. त्यांच्यासोबत बॉबी देओल आणि अनिल कपूर हे देखील महत्त्वपूर्ण भूमिकांमध्ये दिसतात.
‘ऐल्फा’मधील जबरदस्त अॅक्शन सीक्वेन्स, भव्य स्केल आणि थरारक कथा यामुळे चित्रपटाला प्रेक्षकांचा चांगला प्रतिसाद मिळत आहे. विशेषतः आलिया भट्ट आणि शर्वरी यांच्या फ्रेश जोडीची चर्चा होत आहे. दोन्ही अभिनेत्रींच्या अॅक्शन अवताराने प्रेक्षकांचं लक्ष वेधून घेतलं आहे.
चित्रपटाच्या ओटीटी रिलीजनंतर ‘ऐल्फा’ची लोकप्रियता आणखी वाढताना दिसत आहे. नेटफ्लिक्सच्या ग्लोबल टॉप 10 नॉन-इंग्लिश फिल्म्सच्या यादीत तिसरं स्थान मिळवणं ही चित्रपटासाठी मोठी कामगिरी मानली जात आहे. त्याचबरोबर नेटफ्लिक्सच्या इंडिया मूव्हीज चार्टवर ‘ऐल्फा’ने पहिलं स्थान पटकावलं आहे.
वायआरएफ स्पाय युनिव्हर्समधील या महिला-केंद्रित स्पाय थ्रिलरने आता भारतासोबतच आंतरराष्ट्रीय प्रेक्षकांचंही लक्ष वेधून घेतलं असून, आलिया भट्ट आणि शर्वरीच्या या अॅक्शन अवताराची जगभरात चर्चा होत आहे.
Don’t Be Shy Jhoomo Song: मस्ती, मैत्री आणि तरुणाईचा जोश; ‘डोंट बी शाय’चं धमाकेदार गाणं ‘झूमो’ रिलीज
