गुरुवार, 3 सप्टेंबर 2026
(फोटो सौजन्य- सोशल मीडिया)
अनेक कलाकार रोज विमानतळावरून प्रवास करताना पॅपाराझींच्या कॅमेऱ्यात कैद होत असतात. मात्र, अभिजीत सावंतचा हा व्हिडीओ काहीसा खास ठरला. पॅपाराझींनी त्याला तब्बल २१ वर्षांपूर्वी गाजलेल्या ‘मोहब्बतें लुटाऊँगा’ या गाण्याची फर्माईश केली. त्यानंतर अभिजीतनेही क्षणाचाही विलंब न करता गाण्याच्या दोन ओळी गाऊन दाखवल्या.
View this post on Instagram
अभिजीत सावंतने ‘इंडियन आयडॉल’च्या पहिल्या पर्वाचं विजेतेपद पटकावून घराघरात आपली ओळख निर्माण केली. त्यानंतर आपल्या दमदार आवाजाने आणि विविध गाण्यांच्या माध्यमातून त्याने रसिकांच्या मनावर छाप पाडली. आजही त्याच्या आवाजाची जादू कायम असल्याचं या व्हिडीओमधून पुन्हा एकदा पाहायला मिळालं.
‘मोहब्बतें लुटाऊँगा’ हे अभिजीतच्या कारकिर्दीतील विशेष गाण्यांपैकी एक आहे. तब्बल २१ वर्षांनंतरही या गाण्याची क्रेझ चाहत्यांमध्ये पाहायला मिळते. त्यामुळे विमानतळावर पॅपाराझींच्या आग्रहाखातर अभिजीतने हे गाणं गुणगुणणं हा त्याच्यासाठीही एक खास क्षण ठरला.
अभिजीत सावंतच्या या छोट्याशा परफॉर्मन्सचा व्हिडीओ सध्या सोशल मीडियावर चर्चेत असून, जुन्या आठवणींना उजाळा देणाऱ्या या गाण्यावर चाहतेही प्रेम व्यक्त करत आहेत.
