शनिवार, 29 ऑगस्ट 2026
Hrithik Roshan Son News: हृतिक रोशनच्या लेकाची म्युझिक इंडस्ट्रीत दमदार एन्ट्री! (फोटो सौजन्य- सोशलमीडिया)
Hrithik Roshan Son Hrehaan Entry In Music World: ह्रतितक रोशन नेहमीच कोणत्या कोणत्या गोष्टीमुळे चर्चेत राहतो. देखणा, तसेच त्याने त्याच्या अभिनयामुळे प्रेक्षकांच्या मनावर भुरळ पाडली आहे. अनेक वर्षांपासून त्याने आपल्या अभिनयाने प्रेक्षकांच्या मनात वेगळी जागा निर्माण केली आहे. मात्र आता हृतिकपेक्षा त्याचा मुलगा रेहान रोशन एका वेगळ्या कारणामुळे चर्चेत आला आहे. रेहानने मनोरंजन क्षेत्रात नव्हे, तर थेट संगीत क्षेत्रात आपली स्वत:ची ओळख बनवण्याच्या दिशेने पहिलं पाऊल टाकलं आहे.
रेहान रोशनने नुकतंच आपलं पहिलं स्वतंत्र गाणं प्रेक्षकांसमोर आणलं आहे. ‘दिस हेवनली प्लेस’ असं या गाण्याचं नाव असून २८ ऑगस्ट रोजी ते प्रदर्शित झालं. या गाण्याची खास गोष्ट म्हणजे रेहानने केवळ आवाज दिलेला नाही, तर गाण्याचे बोल लिहिण्यापासून ते गिटार वाजवण्यापर्यंत अनेक जबाबदाऱ्या स्वतः सांभाळल्या आहेत. त्यामुळे त्याच्यासाठी हा प्रोजेक्ट नक्कीच खास म्हणावा लागेल. Hrithik Roshan Son News:
या गाण्याच्या व्हिडीओमध्ये रेहान अगदी साध्या अंदाजात दिसतो. काळ्या-पांढऱ्या रंगात तयार केलेल्या या व्हिडीओमध्ये तो गिटार हातात घेऊन गाणं सादरताना पाहायला मिळतो. त्याच्या सादरीकरणातून संगीताविषयीची आवड आणि मेहनत स्पष्टपणे जाणवते. विशेष म्हणजे, प्रसिद्ध अभिनेत्याचा मुलगा असूनही रेहानने स्वतःच्या आवडीच्या क्षेत्रातून सुरुवात करण्याचा निर्णय घेतला आहे.
मुलाच्या या नव्या प्रयत्नामुळे हृतिक रोशनही खूप आनंदी आहे. त्याने सोशल मीडियावर रेहानचा व्हिडीओ शेअर करून त्याचं कौतुक केलं. संगीताची चांगली समज आणि त्याच्यात असलेली नैसर्गिक कला यावर हृतिकने विश्वास व्यक्त केला. वडिलांकडून मिळालेलं हे प्रोत्साहन रेहानसाठी नक्कीच महत्त्वाचं आहे. रेहानची आई सुझान खान हिनेही मुलाच्या या नव्या प्रवासाबद्दल आनंद व्यक्त केला. मुलाने स्वतःच्या मेहनतीने एक वेगळी वाट निवडल्याचा तिच्या प्रतिक्रियेतून आनंद दिसून आला. याशिवाय अभिनेत्री सबा आझाद आणि दिग्दर्शक राकेश रोशन यांनीही रेहानला पुढील वाटचालीसाठी शुभेच्छा दिल्या आहेत.
रोशन कुटुंबाचा चित्रपट आणि संगीत क्षेत्राशी असलेला संबंध अनेक वर्षांचा आहे. या कुटुंबातील मागील पिढ्यांनी हिंदी चित्रपटसृष्टीत महत्त्वाचं योगदान दिलं आहे. राकेश रोशन यांनी दिग्दर्शन क्षेत्रात नाव कमावलं, तर राजेश रोशन हे प्रसिद्ध संगीतकार म्हणून ओळखले जातात. त्यामुळे रेहानसाठी संगीत हा पूर्णपणे अनोळखी विषय नाही.
मात्र या कुटुंबाची परंपरा पुढे नेताना रेहानने स्वतःची शैली तयार करण्याचा प्रयत्न केला आहे. त्याने निवडलेला स्वतंत्र संगीताचा मार्ग याचं उदाहरण आहे. त्यामुळे त्याच्या पहिल्या गाण्याकडे केवळ स्टारकिड म्हणून न पाहता, एका नव्या कलाकाराची सुरुवात म्हणून पाहिलं जात आहे.
