बुधवार, 21 ऑक्टोबर 2026
निधी तिवारी बनल्या पंतप्रधान मोदी यांच्या खासगी सचिव (फोटो- सोशल मिडिया )
नवी दिल्ली: पंतप्रधान नरेंद्र मोदी यांचे सरकार सातत्याने महिला सबलीकरण आणि महिलांचा विकास प्रयत्न करताना पाहायला मिळते. दरम्यान पंतप्रधान नरेंद्र मोदी यांच्या कार्यालयामध्ये एक महिला अधिकाऱ्याची नियुक्ती करण्यात आली आहे. वाराणसी येथील महिला अधिकारी निधी तिवारी यांच्यावर पंतप्रधान कार्यालयात एक मोठी जबाबदारी सोपवण्यात आली आहे.
वाराणसी येथे राहणाऱ्या 2014 च्या बॅचच्या आयएफएस (IFS) अधिकारी निधी तिवारी यांची नियुक्ती पंतप्रधान नरेंद्र मोदी यांचे खाजगी सचिव म्हणून नियुक्ती करण्यात आली आहे. या नियुक्तीला कॅबिनेटने मंजूरी दिली आहे. तसेच त्यांची नियुक्ती तात्काळ करण्यात आली आहे. निधी तिवारी यांनीय 2013 मध्ये सिव्हिल सर्व्हिस परीक्षा पास केली होती.
निधी तिवारी या वाराणसीमध्ये सहाय्यक आयुक्त म्हणून कार्यरत होत्या. नोकरी करता करता त्या यूपीएससीची तयारी देखील करत होत्या. त्यामध्ये यशवी झाल्यानंतर त्यांनी भारतीय विदेश सेवा (IFS) मध्ये काम सुरू केले. या कालावधीत त्यांनी अनेक महत्वाच्या जबाबदऱ्या पार पाडल्या. नोव्हेंबर 2022 मध्ये त्यांनी पंतप्रधान कार्यालयात उपसचिव म्हणून काम केले.
नोव्हेंबर 2022 मध्ये उपसचिव म्हणून कार्यरत असताना त्यांनी परराष्ट्र आणि सुरक्षा विभागात काम केले. त्या ठेत राष्ट्रीय सुरक्षा सल्लागार अजित डोवाल यांना रिपोर्ट करायच्या. त्यांनी परराष्ट्र धोरण, अणुऊर्जा आणि सुरक्षा अशा विभागात काम केले.
काय असणार नवीन जबाबदारी?
आयएफएस निधी तिवारी यांची पंतप्रधान नरेंद्र मोदी यांच्या खासगी सचिवपदी म्हणून नियुक्ती झाली आहे. आता त्यांच्यावरील जबाबदारी वाढली आहे. पंतप्रधान नरेंद्र मोदींच्या दौऱ्याचे नियोजन, सरकारी विभागाशी संपर्क करणे अशा अनेक जबाबदऱ्या त्यांच्यावर असणार आहेत. पंतप्रधान कार्यालयात महिलांचा समावेश मोठ्या प्रमाणात केला जात आहे, निधी तिवारी यांची नियुक्ती महिला सशक्तीकरणाच्या दृष्टीने एक महत्वाचे पाऊल समजले जात आहे.
