सोमवार, 19 ऑक्टोबर 2026
केंद्रीय मंत्र्यांसह २२० प्रवासी दीड तास विमानात अडकले (Photo : BL Verma)
गोरखपूर : उत्तर प्रदेशातील गोरखपूर विमानतळाच्या खराब व्यवस्थेचे वास्तव पुन्हा एकदा समोर आले. विमानात असलेल्या 220 प्रवाशांना दीड तासांहून अधिक काळ विमानात अडकून राहावे लागले. या विमानात केंद्रीय राज्यमंत्री बी. एल. वर्मा देखील उपस्थित होते. गोरखपूर विमानतळाच्या खराब व्यवस्था समोर आल्याची ही पहिलीच वेळ नाही, हे यापूर्वीही अनेकदा घडले आहे.
दिल्लीहून गोरखपूरला जाणारे इंडिगोचे विमान गुरुवारी दुपारी सव्वा तीनच्या सुमारास गोरखपूर विमानतळावर उतरणार होते. उड्डाणाला उशीर झाल्यामुळे ते 4.05 वाजता उतरू शकले. विमानतळावर अॅप्रन रिकामा नसल्याने विमान टॅक्सीवेवरच थांबवावे लागले. यामुळे सर्व प्रवासी विमानातच अडकून राहिले.
दरम्यान, उष्णता आणि आर्द्रतेमुळे प्रवाशांची अवस्था दयनीय झाली होती. खराब व्यवस्थापनामुळे तिथे आधीच पार्क केलेली विमाने संध्याकाळी ५.२५ वाजताच्या सुमारास काढता आली. त्यानंतर सायंकाळी ६ वाजता विमानात अडकलेले प्रवासी बाहेर येऊ शकले.
मंत्र्यांनी प्रश्न केले उपस्थित
गोरखपूर विमानतळावरून बाहेर पडणाऱ्या प्रवाशांमध्ये प्रचंड संताप होता. केंद्रीयमंत्रीही संतापलेले दिसले. त्यांनी विमानतळाच्या व्यवस्थेवर प्रश्न उपस्थित केले? इंडिगो एअरलाइन्सचे हे विमान संध्याकाळी सात वाजता नंतरच दिल्लीला परत येऊ शकले. केंद्रीय मंत्री बीएल वर्मा देखील याच विमानाने परतले.
खराब व्यवस्था पुन्हा एकदा उघडकीस
उत्तर प्रदेशातील गोरखपूर विमानतळाची खराब व्यवस्था पुन्हा एकदा उघडकीस आली. गुरुवारी रात्री इंडिगो एअरच्या विमानातील प्रवासी विमानतळावर पोहोचूनही दीड तास विमानात अडकून राहिले. सर्वात मोठी गोष्ट म्हणजे या विमानात केंद्रीय राज्यमंत्री बी. एल. वर्मा देखील उपस्थित होते. विमानात असलेल्या 220 प्रवाशांना दीड तासांहून अधिक काळ विमानातच कोंडून राहावे लागले.
काय आहे संपूर्ण प्रकरण?
गुरुवारी संध्याकाळी गोरखपूर विमानतळावर प्रवाशांना पुन्हा एकदा त्रास सहन करावा लागला. याचे कारण विमानतळाचे खराब व्यवस्थापन होते. दिल्लीहून गोरखपूरला जाणारे इंडिगोचे विमान दुपारी 3.15 वाजता गोरखपूर विमानतळावर उतरणार होते. उड्डाणाला उशीर झाल्यामुळे ते 4.05 वाजताच उतरू शकले. यानंतर, विमानातील अनेक प्रवासी यात अडकून पडले.
