अमृतसरच्या(amritsar) नंगली गावाजवळील मजीठा रोडवर फायनान्स कंपनीच्या एका कर्मचाऱ्याला लुटल्याची (Loot)घटना समोर आली आहे. लुटारूने त्या कर्मचाऱ्याचे हात कापल्याने(Hand cut) परिसरात एकच खळबळ उडाली आहे. कर्मचाऱ्याच्या बॅगेत फक्त १५०० रुपये होते. जखमी कर्मचाऱ्याला आसपास राहण्याऱ्या नागरिकांनी रुग्णालयात दाखल केले.
[read_also content=”तौत्के चक्रीवादळात ७५ जणांना जलसमाधी ? मुंबईजवळ ओएनजीसीचे जहाज बुडाले – ७५ जण अद्यापही बेपत्ता, ४ जहाजांवर अडकलेल्या ७१३ जणांपैकी ६२० जणांना वाचवण्यात यश https://www.navarashtra.com/latest-news/93-people-from-4-ships-near-sea-area-of-mumbai-620-people-found-nrsr-131057.html”]
पलवल विश्वास हा एका फायनान्स कंपनीत दोन वर्षांपासून रिकव्हरीचं काम करत आहे. पलवल मुळचा पश्चिम बंगालचा राहणारा असून आकाश एवेन्यूमध्ये भाड्याने राहतो.
पलवल रिकव्हरी करण्यासाठी मजीठा आणि अमृतसरमधील गावात गेला होता. सोमवारी दुपारी १२.३० वाजता नंगली गावात जाऊन त्याने दोन ठिकाणांहून १५०० रुपये जमा केले. पैसे घेऊन तो परतत होता. मात्र त्याच्या पाळत ठेवलेल्या दोघांनी निर्जन रस्त्यात त्याला गाठलं आणि १५०० रुपये असलेली बॅग खेचली. त्याने प्रतिकार केला असता एकाने त्याचे हात कापले. त्यानंतर जखमी पलवल आरडाओरड करत होता. मात्र जवळपास कुणीच नसल्याने त्याच्या मदतीला कुणीच आलं नाही. अखेर काही तासांनी रस्त्यावरून जाण्याऱ्या काही जणांनी जखमी पलवलला पाहिलं आणि तात्काळ रुग्णालयात दाखल केलं.
अमनदीप रुग्णालयात जखमी पलवलवर १२ तास शस्त्रक्रिया चालली. त्यानंतर डॉक्टरांनी शर्थीचे प्रयत्न करून हात जोडला आहे. आता त्याची प्रकृती स्थिर असून डॉक्टरांच्या देखरेखीखाली आहे. याप्रकरणी पोलिसात गुन्हा दाखल केला आहे.
.png "Videos"){kind=small}
